Oqýshylarǵa arnalǵan kólik kartalaryn úıde otyryp alýǵa bolady- Astana LRT

ASTANA. QazAqparat - Astanada mektep oqýshylaryna arnalǵan ataýly kólik kartasyn úıde otyryp-aq, transcard.kz saıty arqyly alýǵa bolady, dep habarlaıdy QazAqparat «Astana LRT» kompanııasynyń Feısbýktegi paraqshasyna silteme jasap.

«Mektep oqýshylaryna arnalǵan kólik kartalary mektepterde de berile bastaıdy. Sońǵy eki kúnde Qajymuqan 14 mekenjaıynda ornalasqan «Astana LRT» JShS-nyń ortalyq kassasynda adamdar tolyp ketti. Bul qarbalastyń sebebi - mektep oqýshylaryna arnalǵan kóliktik kartaǵa ıe bolý. 2018 jyldyń 21 shildesinen bastap eresekterge qoǵamdyq kólikte júrý quny - kartamen 90 teńge, al qolma-qol aqshamen 180 teńge, balalar úshin (7-15 jas) 40 teńge men 90 teńge aralyǵynda bolyp belgilendi.», - delingen habarlamada.

Jazǵy ýaqytta (2018 jyldyń 1 qyrkúıegine deıin) balalar bıletin tóleý amaldarynyń qandaı bolatynyna qaramastan 40 teńgede qaldyrý týraly sheshim qabyldanǵan bolatyn. Bul ýaqyt ata-analar ataýly kólikti kartalardy alyp úlgerýi úshin berilgen bolatyn.

«Sonymen birge, mamandandyrylǵan kassaǵa búkil jaz boıy kólikti karta alýǵa eshkim kele qoımaǵan edi. Astana qalasynyń ákimi Áset Isekeshev balalarǵa arnalǵan bılet quny ýaqytyn taǵy 15 kúnge sozýdy tapsyrdy. Osyǵan baılanysty balalar men ata-analarǵa yńǵaıly bolý úshin ortalyq kassada toltyrýǵa bolatyn anketa ázirlendi. Sol jerde anketany qajetti qujattarmen birge qaldyryp ketýge bolady. Sol arqyly mektep oqýshylaryna arnalǵan kóliktik kartany alýǵa jol ashylady. Kartanyń daıyn bolǵanyn sizderge telefon arqyly habar beriledi. Osydan keıin siz eshqandaı kezeksiz daıyn kartany alyp kete alasyz», - deıdi uıym.

«Astana LRT» kompanııasynan habarlanǵandaı, mektep oqýshylaryna arnalǵan kólik kartasyn alý úshin transcard.kz saıtynda ótinim qaldyrýǵa bolady. Atalǵan ótinim dýblıkat jasaýǵa kelmeıdi.