Oqýshylardyń jazǵy demalysy nege qysqarady – mınıstr jaýaby

NUR-SULTAN. QazAqparat – QR Oqý-aǵartý mınıstri Ashat Aımaǵambetov kelesi oqý jylynda oqýshylardyń jazǵy demalysy nege qysqaratynyn túsindirdi, dep habarlaıdy QazAqparat tilshisi.

«Jańa oqý jylynda elimizde 3,6 mln balany qamtıtyn 7 637 mektep jumys isteıdi. Kelesi oqý jyly 1 qyrqúıekte bastalyp, 36 aptaǵa sozylyp, 31 mamyrda aıaqtalady. Jazdyń birinshi kúninen bastap oqýshylar dástúrli demalystaryna shyǵady. Sáıkesinshe, jaz aılary tolyǵymen balalardyń demalys ýaqyty bola beredi», - dedi Ashat Aımaǵambetov Úkimet otyrsynda.

Mınıstrdiń sózine qaraǵanda, elimizde oqýshylardyń jazǵy demalysy ózge eldermen salystyrǵanda aıtarlyqtaı uzaq.

«Jazǵy demalystyń uzaqtyǵy bilim salasyndaǵy kóshbasshy eldermen salystyrǵanda eń uzaq – 92 kún. Jalpy, bir oqý jylynda balalarǵa 4 ret demalys qarastyrdyq. Oǵan qosa, demalys jáne mereke kúnderin eseptegende balalar jyl boıy barlyǵy 192 kún demalyp, tek 173 kún metepke barady», - dedi mınıstr.