Oqýshylardyń alǵan bilimin ómirde qanshalyqty qoldanatynyna monıtorıng júrgizilip jatyr

ASTANA. QazAqparat - Bıyl bilim alýshylardyń bilim jetistikteriniń monıtorıngin ótkizý kezinde akademııalyq adaldyq qaǵıdattarynyń saqtalýyn baqylaýǵa QR Oqý-aǵartý mınıstrliginiń qyzmetkerleri, bilim salasyndaǵy sapany qamtamasyz etý komıtetiniń aýmaqtyq departamentteri, «Órleý» biliktilikti arttyrý ulttyq ortalyǵy jáne pedagogıkalyq JOO qyzmetkerleri tartyldy, dep habarlaıdy QazAqparat.

Ótkizý formaty halyqaralyq zertteýler sekildi - standart boıynsha ár aýdıtorııada test-ákimshiler bolady.

Bilim salasyndaǵy sapany qamtamasyz etý komıtetiniń basqarma basshysy Dınara Ábilqanovanyń aıtýynsha, monıtorıng fýnktsıonaldyq saýat deńgeıin baǵalaýǵa jáne alǵan bilimin mektep qabyrǵasynda jáne ómirlik jaǵdaılarda qoldana bilýge baǵyttalǵan.

«Bilim sapasy týraly naqty derek alý úshin kóptegen elder bilim alýshylardyń oqý jetistikterin ulttyq deńgeıde únemi baǵalap otyrady. Osylaısha, mańyzdy suraqtarǵa jaýap alady. Oqytý qanshalyqty júıelengen? Oqýshylardyń bilim alý deńgeıi qandaı jáne olar qoǵamǵa enýge qanshalyqty daıyn? Mine, osy suraqtarǵa jaýap alý bizdiń bilim berý júıemiz úshin de mańyzdy. Tek BBJM-niń obektıvti nátıjesi ǵana durys qorytyndy jasaýǵa jáne tıisti sheshim qabyldaýǵa múmkindik beredi», - deıdi basqarma basshysy.

Testileý memlekettik baqylaý nysany emes. Sondaı-aq bilim alýshy, bilim berý uıymdary úshin de quqyqtyq saldary joq.

BBJM-ge 4 jáne 9 synyptardan 50 myńnan astam oqýshy qatysady.

1472 mektepte úsh baǵyt boıynsha kompıýterlik keshendi testileý ótkiziledi. Ol - oqý, matematıka jáne jaratylystaný saýaty.

Monıtorıng 26 sáýir men 11 mamyr aralyǵynda ótip jatyr.