Oqýshylardy tegin tamaqtandyrý proaktıvti qyzmetke aınalady

ASTANA. QazAqparat – Elimizde mektep oqýshylaryn tegin ystyq tamaqpen qamtý proaktıv qyzmet túrinde iske qosylady. Bul týraly QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Málik Oljabekov málim etti, dep habarlaıdy QazAqparat tilshisi.

«Turaqty damýdyń 17 maqsaty bar. Sol maqsattarǵa jetý jolynda tsıfrlandyrý salasynda iske asyp jatqan keıbir jobaǵa toqtalsam. Aldymen kedeılikpen kúres. Bul oraıda eńbek jáne halyqty áleýmettik qorǵaý mınıstrligi otbasynyń tsıfrlyq kartasyn ázirlep jatyr. Sol arqyly ár otbasynyń áleýmettik jaǵdaıy anyqtalady. Tsıfrlyq kartada otbasy músheleri týraly málimet bolady. Ekinshi maqsat – ashtyqpen kúres. Ulttyq joba aıasynda agroónerkásip salasynda kórsetiletin qyzmetter men memlekettik qoldaý avtomattandyrylyp jatyr», - dedi Málik Oljabekov Astanada ótip jatqan adam jáne

ǵalamsharǵa arnalǵan tsıfrlyq sheshimder taqyrybyndaǵy konferentsııada.

Onyń aıtýynsha, fermerlerge arnalǵan memlekettik sýbsıdııa berý protsesin tsıfrlandyryp, avtomattandyrý protsesi júrip jatyr.

«Sondaı-aq, bıyl qıyn jaǵdaıǵa tap bolǵan otbasylardyń mektep jasyndaǵy balalaryn tegin tamaqpen qamtý proaktıvti qyzmet túrinde iske qosylady», - deıdi ol.

Aıta ketsek, bıyl 1 jeltoqsanǵa deıin elimizde áleýmettik salada 13,1 mln qyzmet kórsetildi. Onyń ishinde 10,6 mln qyzmet elektrondy jáne 1,0 mln qyzmet proaktıvti túrde usynyldy.

Buǵan deıin habarlaǵanymyzdaı, kelesi jyldan bastap elimizde otbasynyń tsıfrlyq kartasy engizilmek.