Oqýshylar úshin 50 saýyqtyrý lageri qurylady - Aımaǵambetov

ASTANA. QazAqparat – Oqýshylar úshin 50 saýyqtyrý lageri qurylady. Bul týraly Úkimet otyrysynda QR Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

Onyń atap ótýinshe, Prezıdenttiń saılaýaldy baǵdarlamasynda balalardyń densaýlyǵyna erekshe nazar aýdarylǵan.

«Oqýshylar úshin 50 saýyqtyrý lageri qurylady. Olardyń ádistemelik jáne mazmundyq jaǵy da qarastyrylady. Balalardy úıirmelermen jáne sektsııalarmen qamtamasyz etý úshin buryn sońdy bolmaǵan is-sharalar kózdelgen. Keminde 100 jańa iri nysan, ıaǵnı oqýshylar saraılaryn, jas tehnıkter stansalaryn, balalar tehnoparkterin, mýzyka jáne óner mektepterin salý josparlanyp otyr. Bul mektepten tys uıymdardyń balalardyń turatyn jerinen qadamdyq qoljetimdiligin qamtamasyz etedi», - dedi ol.

Mınıstr orta bilim boıynsha qajetti oqý materıaldaryn tsıfrly formatqa kóshirý arqyly pánderdi oqytýdyń ınnovatsııalyq tásilderi engiziletindigin aıtty.

«Ekologııalyq bilim berý sapasyn arttyrý tásilderin qaıta qaraý josparda bar», - dedi Ashat Aımaǵambetov.