Oqýshylar tumaýǵa baılanysty onlaın oqı ma – mınıstrlik jaýaby

ASTANA. QazAqparat – Oqý-aǵartý mınıstrliginiń baspasóz hatshysy Móldir Ábdýalıeva tumaýǵa baılanysty oqýshylardy qashyqtan oqý formatyna aýystyrý usynysyna qatysty pikir bildirdi, dep habarlaıdy QazAqparat tilshisi.

Aıta keteıik, buǵan deıin Densaýlyq saqtaý mınıstrligi bir synypta oqıtyn balalardyń 30 paıyzdan astamy JRVI (jiti respıratorlyq vırýstyq ınfektsııasy) juqtyrsa, onda olardy onlaın oqý formatyna aýystyrýdy usynǵan edi.

«Álemde mektepter birinshi bolyp ashylyp, sońǵy bolyp jabylady. Bul týraly ıÝNISEF ókilderi de málimdedi. Biz balalardyń tolyq ári sapaly bilim men olardyń ál-aýqatyn qamtamasyz etý mańyzdy dep sanaımyz. Osyǵan oraı, Oqý-aǵartý mınıstrligi onlaın formatta oqytý usynysyn qoldamaıdy», - dep málim etti Móldir Ábdýalıeva.

Qosa ketsek, Sanıtarııalyq-epıdemıologııalyq baqylaý komıtetiniń málimetinshe, bıyl 1 qazannan bastap elimizde 764 247 JRVI juqtyrǵan. Al elimizde tumaýǵa qarsy vaktsınany 1,8 mln adam alǵan.