Oqýshy sabaqtan erterek qaıtý úshin mektepte jarylǵysh zat ornatyldy dep habarlaǵan
14 jeltoqsan kúni saǵat 13.00 shamasynda Qaraǵandy oblysy Temirtaý qalalyq Tótenshe jaǵdaılar basqarmasyna belgisiz balanyń daýysynda bireý habarlasyp, 20 mektepti jáne onda bar barlyq adamdardy jaramyn dep málimdegen. Qaraǵandy oblystyq Polıtsııa departamentiniń jedel kezekshisi oqıǵa ornyna saperler men barlyq jedel qyzmetterdi jiberdi.
Polıtsııa qyzmetkerleri mektepten barlyǵy 500 adamdy, ıaǵnı muǵalimder men oqýshylardy evakýtsııalady. Sondaı-aq mekteptiń aınalasyn polıtsııa qyzmetkerleri qorshaýǵa aldy.
Bilim berý mekemesine júrgizilgen tekserý jumystary barysynda onyń ishinen eshqandaı jarylǵysh zat anyqtalǵan joq. Atalǵan derek boıynsha Qazaqstan Respýblıkasy Qylmystyq kodeksiniń 273-babyna (Terrorızm aktisi týraly kórineý jalǵan habarlaý) sáıkes sotqa deıingi tergeý bastaldy.
Temirtaý qalalyq Polıtsııa basqarmasy ekstremızmge qarsy kúres bólimi qyzmekterleri júrgizgen keshendi is-sharalar barysynda sol mektepte oqıtyn 12 jastaǵy oqýshy anyqtaldy. Ol úıine erte ketý úshin mektepte jarylǵysh zat bar dep habarlaǵanyn túsindirdi.
Qazaqstanda terrorızm aktisi týraly kórineý jalǵan habarlaý bes myń aılyq eseptik kórsetkishke deıingi (búginde – 14,5 mıllıon teńge) aıyppul salýǵa nemese sol mólsherde túzeý jumystaryna, sondaı-aq shekteýge nemese bes jylǵa deıingi merzimge bas bostandyǵynan aıyrýǵa jazalanady. Bul qylmys úshin 14 jasqa tolǵan adamdar qylmystyq jaýapkershilikke tartylady, sondyqtan muny mektep oqýshylary da este ustaýy kerek.
Sonymen qatar sot sheshimi negizinde mundaı habarlamadan keltirilgen shyǵyndar men barlyq shyǵyn ótelýge jatady. Eger mundaı áreketterdi kámeletke tolmaǵandar jasasa, onda keltirilgen zııandy óteý olardyń ata-analaryna nemese zańdy ókilderine júkteledi.
Foto: polisia.kz