Oqýshy mektepke KFC ákelip jeı ala ma – mınıstr jaýaby

ASTANA. QazAqparat – Oqý-aǵartý mınıstri Ashat Aımaǵambetov úıinen tamaq ákeletin oqýshylardyń ashanada tamaqtanýy qalaı retteletinin túsindirdi, dep habarlaıdy QazAqparat tilshisi.

«Mektepterde bul máseleni birdeı túsinip jatqan joq, ásirese bizdiń qyzmet beretin uıymdar... Sondyqtan biz bul máseleni bólek bekitip qoıdyq, eger balalar úıinen tamaq ákelip, sony ishem dese, ashanalardan tıisti bir oryn berip, olarǵa eshqandaı kedergi jasamaý máselesin qarastyryp otyrmyz. Negizi munda eshqandaı másele joq dep oılaımyn. Bul balalardyń múddesi úshin qarastyrylyp otyrǵan sheshim», - dedi mınıstr.

«Bul balalar arasynda teńsizdik týynddatpaı ma? Bireý nan ákelip otyrǵanda, bireý KFC ákelip otyrýy múmkin emes pe?», - dep suradyq BAQ ókili.

«Mektepte tamaqtanýdyń tııisti as máziri bar. Balalardyń tamaqtanýynyń mekteptegi tıisti talaptary bar. Sol talaptarǵa sáıkes bolady dep oılaımyn. Ondaı máselege áketýge bolmaıdy, ondaı másele bolmaıdy dep esepteımin», - dedi Ashat Aımaǵambetov.