ORAL. QazAqparat - Oralda 10-synyp oqýshysy aıdaǵan avtokólik aǵashqa soǵylyp, 1,5 jasar qyz jansaqtaý bólimine tústi, dep habarlaıdy QazAqparat tilshisi.
BQO polıtsııa departamenti baspasóz qyzmetinen túsken málimetke qaraǵanda, oqıǵa 16 shilde kúni saǵat 21.00-de M.Mámetova kóshesinde boldy.
«16 jasar 10-synyp oqýshysy «VAZ-2170 Lada Prıora« avtokóliginiń rýline ıe bola almaı, aǵashqa baryp soǵylǵan. Jol apaty saldarynan jasóspirim oblystyq kópbeıindi balalar aýrýhanasyna jetkizilip, dárigerler qaraǵannan keıin úıine jiberildi. Medıtsınalyq kýálandyrýǵa sáıkes ol ishimdik ishpegen. Jabyq bas-mı jaraqatyn alyp, mıy shaıqalǵan kishkentaı qyz bala sol aýrýhananyń jansaqtaý bólimine jatqyzyldy. Avtokólik arnaıy turaqqa qoıyldy. Atalǵan derek Sotqa deıingi tergep-tekserýdiń biryńǵaı tizilimine tirkeldi», - dep habarlady vedomstvodan.
Eske sala keteıik, budan buryn Oralda «Azamattarǵa arnalǵan úkimet» qyzmetkeriniń mas kúıinde ustalyp, 15 táýlikke qamalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).