Oqýshyny jezókshelikke májbúrleý: Qyzylordada jeńgetaılyq faktisi boıynsha sot úkimi shyqty

<p>QYZYLORDA. KAZINFORM &mdash; Qyzylorda qalasynyń № 2 sotynda sottalýshy J.-ǵa qatysty birneshe ret kámeletke tolmaǵandy jezókshelikpen aınylysýǵa tartýmen ushtasqan jeńgetaılyq faktisi boıynsha qylmystyq is jabyq sot otyrysynda qaraldy.</p>

Sottalýshy jábirlenýshininiń kámelet jasyna tolmaǵanyn bile tura ol paıdakúnemdik maqsatty kózdep, ony birneshe ret jezókshelikpen aınalysýǵa tartqan. Onyń kinási oqıǵa ornyn qarap-tekserý jáne bettestirý júrgizý hattamalarymen, jábirlenýshiniń jaýaptarymen dáleldendi. 
Prokýror sottalýshyny kináli dep tanyp, QR Qylmystyq kodeksiniń 55-babynyń 2-bóligin qoldana otyryp, 4 jyl 6 aı merzimge bas bostandyǵynan aıyrýdy surady. Jábirlenýshiniń ókili sottalýshyny keshiretinin jáne jazaǵa qatysty máseleni sottyń qaraýyna qaldyratynyn kórsetti. Qorǵaýshy sottalýshyny QR Qylmystyu kodeksiniń 309-baby 2-bóligi 2), 3)-tarmaqtary boıynsha aqtaýdy surady.

— QR Qylmystyq kodesiniń atalǵan babynyń sanktsııasy 3 jyldan 7 jylǵa deıin bas bostandyǵynan aıyrý jazasyn kózdeıdi. Atalǵan kodekstiń 53-babyna sáıkes is boıynsha jazany jeńildetetin mán-jaı retinde jas balasynyń bolýy tanylady. Aýyrlatatyn mán-jaılar aıyptaý aktisinde kórsetilmegen. QR Qylmystyq kodeksiniń 55-babynyń 2-bóliginiń 2) tarmaǵyna saı, jazany jeńildetetin mán-jaılar bolǵan jáne aýyrlatatyn mán-jaılar bolmaǵan kezde jaza merzimi kodekstiń tıisti babynda kózdelgen eń joǵary merzimniń 2/3-nen asyrýǵa bolmaıdy. Sot úkimimen sottalýshy QR Qylmystyq kodeksiniń 309-baby 2-bóliginiń 2), 3)-tarmaqtary boıynsha kináli dep tanyldy. Oǵan 4 jyl 6 aı merzimge bas bostandyǵynan aıyrý jazasy taǵaıyndaldy, — dep málim etti Qyzylorda qalasynyń № 2 sotynan.

Eske sala keteıik, Qyzylordada synyptasyn jezókshelikpen aınalysýǵa májbúrlegen oqýshylar kúdikke ilingenin jazǵan bolatynbyz. 

Artynsha Qyzylordada keleńsizdikke jol bergender qyzmetinen ketti. 

Keıin QR ІІM jábirlenýshi turatyn aýmaqty táýlik boıy kúzetti.

Ǵanı Beısembaev oqýshyny jezókshelikke májbúrleý daýyna qatysty pikir bildirdi.

Tergeý júrip jatqanda Qyzylordada oqýshyny jezókshelikke májbúrlegen 8 kúdikti qamaldy.

Keıinirek oqýshyny jezókshelikke májbúrleýge qatysty 13 adam anyqtaldy.

Sondaı-aq qarasha aıynda Qyzylordada oqýshyny jezókshelikke májbúrlegen aıyptalýshyǵa úkim shyqty.

Al Qyzylorda oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynda sottalýshy K.-ǵa qatysty eki qylmystyq is boıynsha sot úkimi shyqty.