Oqýlyq sapasyn baǵalaýdyń halyqaralyq standarty engizilýi múmkin
Bilim jáne ǵylym mınıstrliginiń baspasóz qyzmetiniń habarlaýynsha, vedomstvo halyqaralyq konsortsıýmmen birlesip, oqýlyq daıyndaýǵa qatysy bar mamandarǵa arnaıy trenıngter uıymdastyrǵan. Osylaısha otandyq mamandar oqýlyq ázirleý men saraptaýdyń halyqaralyq tájirıbesimen tanysýǵa múmkindik alyp otyr. Mınıstrlik bul bolashaqta eldegi oqýlyqtardy tekserý tásilin jetildirýge yqpal etedi dep úmittenip otyr.
Búginge deıin Respýblıkalyq ǵylymı-praktıkalyq bilim mazmunyn saraptaý ortalyǵynyń 40 jetekshi sarapshysy atalǵan kýrstan ótipti.
«Oqýlyqtar oqýshylar men ata-analardyń suranystaryna laıyq bolýy kerek. Sondyqtan qazaqstandyq oqýlyqtarǵa qatysty shaǵymdar sanyn azaıtý úshin josparly jumys júrgize beremiz. Oqytý barysynda qazaqstandyq jáne sheteldik jattyqtyrýshylar óz tájirıbelerimen bólisip, sarapshylardy mektep oqýlyqtaryn baǵalaý ádistemesin praktıkada qoldanýdy úıretedi»– deıdi Bilim mazmunyn saraptaý respýblıkalyq ǵylymı-praktıkalyq ortalyǵy dırektorynyń orynbasary Mánshúk Muqametqalı.
Onyń aıtýnysha, kýrsta oqýlyq sarapshylary avtorlarǵa qoıylatyn jańartylǵan talaptarmen, barlyq mektep pánderi boıynsha oqýlyqtardy baǵalaý ádistemesi men krıterıılerimen tanysyp, basqa elderdiń elektrondyq oqýlyqtardy saraptaý tájirıbesi taldaý arqyly biliktilikterin arttyrady.