Oqýǵa eki apta qalǵanda Óskemen mektebinde jóndeý bastaldy
09:46, 16 Tamyz 2023
ÓSKEMEN. QazAqparat – Shyǵys Qazaqstan oblysy ortalyǵyndaǵy №12 mektep-gımnazııasynda jóndeý júrip jatyr. Jumys barysyn qala ákimi Jaqsylyq Omar tekserip qaıtty, dep habarlaıdy QazAqparat Altaynews-qa silteme jasap.
Merdiger uıym ǵımarattyń tóbesin jóndep jatyr, 1 qyrkúıekke deıin jumysty aıaqtaýǵa mindettelgen. Qurylysqa oblys bıýdjetinen qarajat bólingen.
Óskemen qalasynyń ákimi Jaqsylyq Omar oqý ornynyń ákimshiligine jóndeý barysyn jiti baqylaýdy tapsyrdy.
«30 tamyzda jóndeý jumystary tolyq aıaqtalýy tıis. Kún raıyn syltaý etpeńizder. Bul óte jaqsy mektep. Mektep dırektory kún saıyn qurylysshylardyń jumysyn tekserip, qandaı da bir kemshilik bolsa, maǵan habar beredi», – dedi qala bashysy merdigerlerge.
VIDEO: Orazai Jenis