Oqýdan shyǵyp qalǵan stýdent memleket bergen grantty óteýi kerek pe

<p>&laquo;Qarjy ortalyǵy&raquo; AQ grantta oqıtyn stýdentterdiń mindetterin túsindirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Ózderińiz biletindeı, grant túlekteri úsh jyl jumys isteýge nemese ózin oqytýǵa jumsalǵan aqshany qaıtarýǵa mindetti.

Grantta tolyq oqymaǵandar jáne oqýdan shyǵarylǵandar ne isteýi kerek?

Mysaly, stýdent grantqa túsip, 2023 jyldyń qyrkúıeginen oqı bastady, biraq 2 aıdan keıin ol mamandyqtan bas tartýǵa sheshim qabyldady.

Sodan keıin ol 2023 jyly nemese sol oqý jylynda basqa (aqyly) mamandyqqa aýysyp, bilimin jalǵastyrady.

Bul jaǵdaıda stýdent ýnıversıtetti bitirgennen keıin proportsıonaldy túrde jumys istep, grantty óteıdi. ıAǵnı, grantta qansha ýaqyt oqydy, sonsha jumys isteıdi.

Al eger stýdent kelesi oqý jylynda (2024 jyldyń qyrkúıeginde) oqýǵa tússe, onda jumyspen óteý da mólsherles bolyp qalady.

«Esterińizge sala keteıik, jumyspen óteý uzaqtyǵy — úsh jyl. Eger qandaı da bir sebeptermen túlek grantty ótegisi kelmese nemese jumys isteı almasa, onda ol aqshany memleketke qaıtarýy kerek» dep eskertedi ortalyqtan.