Oqýda qıyndyǵy bar balalardyń sany 2 mıllıonǵa jetken

<p>ASTANA. KAZINFORM &ndash; Bir jyl ishinde eldegi psıhofızıkalyq damý buzylystary bar balalardyń sany 8% ósken. Oqý aǵartý mınıstrliginiń &laquo;Bóbek&raquo; saýyqtyrý ortalyǵyn qaıta uıymdastyrý týraly buıryq jobasynyń negizdemesinde osyndaı derekter keltirilgen.</p>

«Sońǵy jyldary respýblıkada oqytýda erekshe kózqarasty qajet etetin balalar sanynyń ósý tendentsııasy baıqalady. Tek bir jyl ishinde psıhofızıkalyq damý buzylystary bar balalardyń sany 8%-ǵa ósti (2024 j. – 203 myń, 2023 j. – 188 myń, 2022 j. – 175 myń), sondaı-aq oqytýda erekshe qıyndyqtary, minez-qulyq jáne emotsıonaldyq problemalary bar 1,5 mln-nan astam bala; áleýmettik-psıhologııalyq, ekonomıkalyq, tildik, mádenı sebepterge baılanysty oqýda qıyndyqtarymen 500 myńǵa jýyq bala bar», - dep jazylǵan resmı málimette.

Osyǵan baılanysty ınklıýzıvti bilim berýdi bir jerden júıelep otyratyn ulttyq ǵylymı-praktıkalyq ortalyq qurý qajettiligi týyndap otyrǵan kórinedi.

«Zertteýler kórsetkendeı, erte qoldaý arqyly erekshe kózqarasty talap etetin balalardyń úlgerimin 100% jaǵdaıda jaqsartýǵa qol jetkizý úshin Úzdiksiz ınklıýzıvti bilim berýdiń Ulttyq ǵylymı-praktıkalyq ortalyǵyn qurý qajettiligi týyndady», - delingen qujatta.

Buǵan deıin jazǵanymyzdaı, «Bóbek» saýyqtyrý ortalyǵy ınklıýzıvti bilim berýdiń ulttyq ortalyǵyna aınalýy múmkin.