Oqý jylyn ortasynan bastaǵan pedagogterdiń eńbek demalysy qalaı esepteledi
Oqý-aǵartý mınıstrligi eńbekaqy tóleý ádistemesi basqarmasynyń basshysy Gúlaıym Toqpanovanyń aıtýynsha, ár pedagogtiń eńbek demalysyna beriletin kúndi arnaıy formýla arqyly esepteýge bolady.
«Eńbek kodeksi boıynsha eńbek demalysyn belgilegen kezde pedagogtiń is júzinde jumys istegen kezeńi esepke alynady. ıAǵnı, jumys istep shyqqan aılary esepteledi. Eger pedagog jumysqa qyrkúıek aıynda turǵan bolsa, is júzinde týra 9 aı jumys istep shyqsa, demalys kúnderin esepteý úshin mynandaı formýla qoldanylady. 56 kúntizbe kúni 12 aıǵa bólinedi de, is júzinde jumys istelgen 9 aıǵa kóbeıtiledi. Sondyqtan, 9 aı jumys istegen pedagog 42 kúntizbe kúnin eńbek demalysy retinde alady», - dedi ol.
Sondaı-aq basqarma basshysy qańtardan bastap qana jumysqa kirgen pedagogtiń eńbek demalysy qalaı esepteletinin túsindirdi.
«Al pedagog qańtar aıynda ǵana jumysqa turǵan boldy deıik. Ol týra 5 aı jumys istedi degen sóz. Onyń eńbek demalysyn da jańaǵydaı formýlamen esepteımiz. ıAǵnı, beriletin eńbek demalysynyń merzimi 24 kún bolady. 56-ny 12-ge bólip, 5-ke kóbeıtemiz. Sonda 24 kún shyǵady.
Jumys istegen kezeńi týra bir jylǵa tolmaǵan pedagogter tolyq 1 jyl úshin beriletin 56 kún eńbek demalysynyń qalǵan kúnderin jumys istegen kezeńi tolyq bir jylǵa tolǵanda qosymsha alýǵa quqyly. ıAǵnı, pedagogtiń qalǵan kúnderi kúıip ketpeıdi», - deıdi Gúlaıym Toqpanova.