Oqý protsesin uıymdastyrý úshin tsıfrlandyrý qajet – Gúlzat Kóbenova
«Balabaqshalarda kezekshi toptarmen jumys isteý ary qaraı jalǵasyp keledi. Kolledj ben joǵary oqý oryndarynda da osyǵan deıingi qaýlyda bekitilgen formatta jumys jalǵastyrylýda. Ózderińizge belgili, 1-kýrs stýdntteri úshin aralas formatqa kóshirý uymdastyrylǵan bolatyn. Búgingi kúni osy boıynsha jumystar jalǵastyrylýda, ázirge buǵan qatysty ózgerister bolǵan joq», - deıdi bilim jáne ǵylym vıtse-mınıstri Sholpan Karınova.
QR Bilim jáne ǵylym mınıstrligi Bilim jáne ǵylym salasyndaǵy sapany qamtamasyz etý komıtetiniń tóraıymy Gúlzat Kóbenova qazirgi ýaqytta joǵary oqý oryndarynda bilim sapasyn arttyrý máselesi boıynsha biraz sharalar qabyldanyp jatqanyn aıtty.
«Tsıfrlandyrýǵa qatysty da sharalar qolǵa alynyp jatyr. Qazirgi jaǵdaıda eń bastysy – oqý protsesin uıymdastyrý úshin tsıfrlandyrý qajet. Oqý úrdisimen qatar, akademııalyq adaldyqty qalyptastyrý boıynsha da tıisti sharalar qabyldanýda. Barlyq qabyldanyp jatqan sharalar joǵary bilim salasyn tıisti deńgeıge joǵarylatady dep oılaımyz», - deıdi ol.