Oqý ortalyǵyna aldanǵan atyraýlyqtar oblys ákimine shaǵymdandy
Atyraý oblysynyń ákimi Serik Shápkenovtiń qabyldaýyna 13 ata-ana shaǵym aıta keldi. Olar «MegaMozg» oqý ortalyǵyna balalaryna qosymsha bilim berý úshin bir jyldyń aqshasyn tólegen.
«Oqytý ortalyǵynyń mamandary aktsııa júrip jatqanyn, bir jyldyń oqý aqysyn aldyn ala tólesek, áldeqaıda arzan bolatynyn aıtty. Biz sol sózge senip, kelisimshartqa aldyn ala qol qoıdyq. Kelisimshart jasaǵanymyz úshin máz bolyp júrdik. Jumsalǵan qarajat az emes. Bir jyldyń qarjysyn jınaý úshin nesıe alǵandar bar. Basqa ata-analar biz sekildi aldanbaýy úshin oblystyq Bilim basqarmasy tarapynan tekseris ótkizilgenin qalaımyz», - dedi ata-ananyń biri Ásııa Іzteleýova.
Atyraý qalasynyń prokýrory Rýslan Aıtımovtyń aıtýynsha, bul is saraptamaǵa jiberilgen. Al kúdikti qamaýǵa alyndy.
«Barlyq jábirlenýshiniń aryzy qabyldandy. Tergeý amaldary aıaqtaldy. Ortalyqqa 145 adam aldanǵan. Kúdikti qamaýǵa alyndy. Bul iske qatysty qoljazba jáne fonoskopııalyq saraptama taǵaıyndaldy. Saraptama qorytyndysy alynǵan soń, is sotqa joldanady. Kúdikti tórt áıelge qatysty sheshim qabyldanady», - dep málim etti Rýslan Aıtımov.
Oblys ákimi Serik Shápkenov jeke qabyldaýǵa kelgen 13 ata-ananyń máselesi boıynsha jaýapty mamandarǵa birqatar tapsyrma berdi.
«Men bul ispen tanysyp shyqtym. Ókinishke qaraı qoǵamda alaıaqtar óte kóp. Ata-analar ortalyqqa balalarynyń sapaly bilim alýy úshin qarjy tóledi. Sondyqtan, qalalyq prokýratýra bul isti jan-jaqty zerttep, jiti qadaǵalaýǵa alýy qajet. Muny azamattyq is dep jyly jappaı, alaıaqtyqqa qatysy bar-joǵyn anyqtaǵan jón. Osyndaı iske qatysy bar alaıaqtar laıyqty jazasyn alýy tıis», -dedi Serik Shápkenov.