Oqý materıaldaryn tsıfrly formatqa aýystyrýdy jedeldetý qajet- Memleket basshysy

ASTANA. QazAqparat - Muǵalimderdi daıarlaý júıesi jáne oqý baǵdarlamalary eń joǵary standarttarǵa sáıkes kelýi tıis. Bul týraly Prezıdent Qasym-Jomart Toqaev Reformalar jónindegi joǵary keńestiń kezekti otyrysynda aıtty, dep habarlaıdy QazAqparat Aqorǵa silteme jasap.

«Ǵımarattar men synyptar ǵana emes, sondaı-aq muǵalimderdi daıarlaý júıesi jáne oqý baǵdarlamalary eń joǵary standarttarǵa sáıkes kelýi tıis. Taǵy bir mańyzdy másele. Balalar oqýlyqqa toly aýyr sómke tasýǵa májbúr degen shaǵymdar kóptep túsedi. Bul balalardyń densaýlyǵyna keri áserin tıgizetini anyq. Sondyqtan oqý materıaldaryn tsıfrly formatqa aýystyrýdy jedeldetý qajet dep sanaımyn. Jalpy, barlyq oqytý úderisin barynsha tsıfrlandyrý qajet», - dedi QR Prezıdenti.