Oqý-aǵartý mınıstrligi janynan aýtızm máseleleri jónindegi úılestirý keńesi qurylady

NUR-SULTAN. QazAqparat – Qazaqstanda aýtızmi bar balalarmen jumys isteý úshin arnaıy damý baǵdarlamasy ázirlenip, óńirlerge jiberildi. Bul týraly Oqý-aǵartý mınıstrliginde ótken appart jınalysynda Inklıýzıvti bilim berýdi damytý ulttyq ǵylymı-praktıkalyq ortalyǵynyń dırektory Áıgerim Merekeqyzy málim etti, dep habarlaıdy QazAqparat tilshisi.

«Aýtızmi bar balalarmen jumys isteý úshin arnaıy damý baǵdarlamasy ázirlenip, óńirlerge jiberildi. Mınıstrlik janynan aýtızm máseleleri jónindegi úılestirý keńesin qurý úshin ereje ázirlendi, quramy aıqyndaldy. Qujat maquldaý maqsatynda mınıstrlikke joldandy. Arnaıy psıhologııalyq-pedagogıkalyq túzeý qyzmetterine jeke sektordy tartý úshin memlekettik tapsyrysty ornalastyrý qaǵıdalarynyń jobasy daıyndaldy. Atalǵan buıryq jergilikti atqarýshy organdarmen kelisilip, bekitiledi», - dedi Inklıýzıvti bilim berýdi damytý ǵylymı-praktıkalyq ortalyǵynyń basshysy.

Áıgerim Merekeqyzynyń paıymynsha, memlekettik tapsyrys arnaıy bilim berý uıymdarynyń jelisin keńeıtedi. Buǵan qosa, muqtaj jandardy osy qyzmettermen tolyq qamtamasyz etýge múmkindik beredi. Búginde arnaıy uıymdarda 24 myńǵa jýyq bala kezekte tur. Onyń aıtýynsha, psıhologııalyq-pedagogıkalyq korrektsııalyq qoldaý jelisine Túrkistan oblysynda suranys joǵary. Al túzetý kabınetteri boıynsha qajettilik Qaraǵandy oblysynda týyndap otyr.