Oqý-aǵartý mınıstrligi oqýshylarǵa kómek kórsetýdiń jańa tásilin usyndy
Oqý-aǵartý mınıstrligi Balalardyń quqyqtaryn qorǵaý komıtetiniń aqparatysha, orta bilim berý uıymdaryna arnalǵan mektepishilik esepke alýdy júrgizý boıynsha ádistemelik usynymdar ázirlenip, bekitildi. Ol erekshe nazar aýdarýdy jáne bilim berý uıymdarynyń kómegin qajet etetin balalardy qamtıdy.
Mektepishilik esepke úlgerimi tómen, sabaqtan jıi qalatyn, mektep Jarǵysyn jáne ishki tártip erejelerin buzatyn oqýshylar alynady.
Komıtet tóraǵasynyń orynbasary ıÝlııa Ovechkınanyń aıtýynsha, mektepishilik esep erekshe pedagogıkalyq nazardy, keshendi qoldaýdy qajet etetin kámeletke tolmaǵandardy ýaqtyly anyqtaýǵa kómektesedi.
«Búgingi tańda barlyq mektepter mektepishilik esep júrgizýdi bastady. Mektepishilik esepke alýdyń biryńǵaı tásilin qalyptastyrý maqsatynda biz tıisti ádistemelik usynymdar ázirledik. Endi mektepishilik esepte turǵan árbir balaǵa qosymsha sabaqtar uıymdastyryp, balanyń shyǵarmashylyq, sporttyq áleýetin ashýdy, áleýmettik jáne psıhologııalyq-pedagogıkalyq qoldaý kórsetýdi qamtıtyn jan-jaqty kómek kórsetiletin bolady. Oqýshylardy esepke alý týraly sheshimdi bilim berý uıymynyń aldyn alý keńesi qabyldaıdy», - deıdi ıÝlııa Ovechkına.
Aıta keteıik, mektepishilik esepke alý bilim berý uıymynda ǵana júzege asady. Onyń basty maqsaty - balaǵa jeke áleýmettik jáne psıhologııalyq-pedagogıkalyq kómek kórsetý, sondaı-aq quqyq buzýshylyqtyń aldyn alý.