Oqý-aǵartý mınıstrligi bilim basqarmalaryna oqý-tárbıe protsesine baqylaýdy kúsheıtýdi tapsyrdy

ASTANA. QazAqparat – Bilim basqarmalary bilim uıymdaryndaǵy oqý-tárbıe protsesine baqylaýdy kúsheıtýi qajet. Bul týraly Oqý-aǵartý mınıstrligi Orta bilim berý komıtetiniń tóraǵasy Qanybek Jumashev aıtty, dep habarlaıdy QazAqparat tilshisi.

«Mınıstrlik bilim uıymdaryndaǵy barlyq jaǵdaılardy baqylaýda ustap otyrǵanyn eskertemiz. Bilim basqarmalary basshylaryna fýnktsıonaldyq mindertterińizdi tıisti deńgeıde atqarýdy jáne bilim uıymdaryndaǵy oqý-tárbıe protsesine baqylaýdy kúsheıtýdi; joǵary deńgeıdegi tárbıe men bilim sapasyn jáne balalardyń qaýipsizdigin qamtamasyz etýdi; qoǵamdyq uıymdarmen tyǵyz baılanysta bolýdy tapsyramyz», - dedi ol Oqý-aǵartý mınıstrligindegi keńeste.

Sonymen qatar ol óńirlerdegi Bilim salasyndaǵy sapany qamtamasyz etý departamentterine de birqatar tapsyrma berdi.

«Bilim uıymdarynda oqý-tárbıe protsesiniń uıymdastyrylýyna baqylaý kúsheıtilsin. Onyń ishinde úsh aýysymmen oqıtyn mektepterge erekshe nazar aýdarylsyn. Qalalyq, aýdandyq bilim bólimderi jáne mektep dırektorlarymen keńester ótkizilsin. Mektepishilik baqylaýdyń júzege asyrylýyna monıtorıng júrgizsin. Monıtorıngi nátıjesi boıynsha táýekelderdi anyqtap, bilim basqarmalaryna shara qoldanýǵa usynystar joldansyn»,- dedi komıtet tóraǵasy.