Oqý-aǵartý mınıstri Shymkent mektepteriniń qaýipsizdik júıesin tekserdi

ShYMKENT. QazAqparat - Shymkent qalasy polıtsııa departamentiniń jedel basqarý ortalyǵynda Oqý-aǵartý mınıstrine bilim berý uıymdaryn «dabyl túımelerimen» jáne beınebaqylaý júıelerimen qamtamasyz etý jónindegi jumystyń nátıjeleri týraly aıtyldy.

Bul týraly QazAqparat QR Oqý-aǵartý mınıstrliginiń baspasóz qyzmetine silteme jasap habarlaıdy.

«Mektepterdegi barlyq beınekameralar jedel basqarý ortalyǵyna qosylǵan. Bul bizge naqty ýaqyt rejıminde mektep qabyrǵasynda qaýipsizdikti qamtamasyz etýge múmkindik beredi», - polıtsııa departamentiniń bastyǵy Qaırat Dálbekov.

Aıta ketý kerek, búginde Shymkent qalasyndaǵy mektepter tıisti qaýipsizdik júıelerimen qamtylyp, beınebaqylaý júıeleri men dabyl batyrmalary oblystyq polıtsııa departamentiniń Jedel basqarý ortalyǵyna qosylǵan. Bilim nysandarynyń bári mamandandyrylǵan kúzet mekemelerimen kelisimshart aıasynda jumys isteıdi. Sondaı-aq 246 mektep ǵımaratynyń kireberisine feıs-týrnıketter qoıylǵan.

«Balalardyń qaýipsizdigin qamtamasyz etý – basty mindetimiz. Sondyqtan bul baǵyttaǵy jumysqa asa jaýapkershilikpen qaraýymyz kerek», – dedi Ǵanı Beısembaev.

Sondaı-aq balalardyń qaýipsizdigin qamtamasyz etý baǵytyndaǵy jumystardy kórý úshin Oqý-aǵartý mınıstri qalanyń birqatar bilim berý uıymdaryna bardy. Onda «dabyl túımeleri» jáne tótenshe jaǵdaılar týyndaǵan kezde jedel áreketý jumystaryn ózi tekserdi.