Oqý-aǵartý mınıstri Ǵanı Beısembaev tabysty bolý qupııasymen bólisti

ASTANA. QazAqparat – Ómirde tabysty bolý úshin sabaqty «5»-pen oqý mindetti me? Osy oraıda tabysqa jetý qupııasymen Oqý-aǵartý mınıstri Ǵanı Beısenbaev bólisti, dep habarlaıdy QazAqparat tilshisi.

Mınıstrge «Bala kúnińizde kim bolýdy armandadyńyz jáne tabysty bolý úshin sabaqty jaqsy oqý mindetti me?» degen saýal qoıyldy.

«Mektep biliminiń mańyzy zor. Oqý baǵdarlamasynan bólek, qosymsha ádebıetter oqyǵan jón. Bala kúnimde aýyl kitaphanasynan shyqpaıtyn edim. Halyq ertegileri men shyǵarmalardy jarysa oqıtynbyz. Bul maǵan ómirde kómektesti. Sondyqtan da, balalarǵa mektep baǵdarlamasynan tys qosymsha ádebıetter oqýǵa keńes beremin. Qosymsha bilimniń balanyń jetilýinde úlesi zor», - dep jaýap berdi Ǵanı Beısembaev mınıstrliktiń keńeıtilgen alqa otyrysynan keıin BAQ ókilderine.

Sondaı-aq, mınıstr bala kúninde muǵalim bolýdy armandaǵanyn jáne sabaqty «jaqsy» degen baǵamen oqyǵanyn aıtty.

«Ustaz bolýdy armandadym. Qazir de ustazbyn dep aıta alamyn», - deıdi ol.

Aıta ketsek, búgin Oqý-aǵartý mınıstrliginiń keńeıtilgen alqa otyrysy ótti.

Jıynda belgili bolǵanyndaı, bıyl mektep ájethanalary tolyqtaı ishke aýystyrylady.

Sondaı-aq, atalǵan vedomstvo basshysy elimizde balalar úıleriniń jabylýyna qatysty saýalǵa jaýap berdi.

Ǵanı Beısembaev tárbıeshiler balalardy uryp-soqpas úshin jergilikti organdar baqylaýdy kúsheıtý kerektigin tilge tıek etti.

Foto: primeminister.kz