OQO jastaryna qazaqy bolmys pen ulttyq kod jóninde aıtyldy

ShYMKENT. QazAqparat - Ońtústik Qazaqstan oblysynda Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn túsindirý maqsatynda jastarmen kezdesý ótti. «Intellekt-Ekspert» ekonomıkalyq-áleýmettik zertteýler ortalyǵy muryndyq bolǵan sharada qazaqy bolmys, onyń ulttyq kody taqyryptarynda tereń áńgime órbidi, dep  habarlaıdy QazAqparat tilshisi. 

Jıynda jastardyń boıyndaǵy ulttyq qundylyqtarǵa basa nazar aýdaryldy. Elbasy maqalasy búgingi qoǵam úshin mańyzdy baǵdarlamalyq mánge ıe bolsa, ulttyq sananyń jańǵyrýy men qazirgi jastar tárbıesi kezdesýdiń basty taqyrybyna aınaldy. Latyn álipbıine kóshý eń aldymen, qazaq tiliniń áýezdiligin saqtaıdy. Al bul memlekettik tildiń mártebesin kóterýge negiz.  

«Eldiń ekonomıkasy men áleýmettik jaǵdaıy durys bolsa, árıne sol jaǵdaıǵa sana da beıimdelip, ózi ózgeredi. Óıtkeni, rýhanı jańǵyrýdyń negizgi formýlasy, ol ne? Ony adam balasy ózinen bastaý kerek. Qoǵamdyq sanany ózgertý úshin, ár azamattyń sanasy ózgerýi tıis. «Tsıfrlyq Qazaqstan» baǵdarlamasy, «Kóshi-qon», «Órleý», «Nurly jol», «Serpin» sııaqty memlekettik baǵdarlamalardy qalyń halyqqa túsindirý basty maqsatymyz»,- deıdi «Intellekt-Ekspert» ekonomıkalyq-áleýmettik zertteýler ortalyǵynyń dırektory Sattar Májıtov.

Mamandardyń pikirinshe, mundaı kezdesýlerdiń jastarǵa tálimi mol. Óıtkeni óskeleń urpaq ótkeninen ónege túıip, bolashaǵyna boljam jasaı alýy tıis.  Kezdesý barysynda qatysýshylar da óz usynystaryn bildirdi. Olardyń paıymynsha rýhanı jańǵyrýdy árbir azamat ózinen bastap, árbir sana jańǵyrýǵa beıimdelýi kerek.

Jalpy jyl sońyna deıin jalǵasatyn joba aıasynda birqatar zertteý jumystary da júrgizilmekshi. Olar  Elbasy maqalasy jolymen etnosaralyq qarym-qatynasty nyǵaıtyp, rýhanı qundylyqtardy jańǵyrtatyn bolady.