OQO jastary «Táýelsizdikke tartý» aktsııasyn ótkizdi

ShYMKENT. QazAqparat - Ońtústik Qazaqstan oblysynyń Otyrar aýdanyna qarasty Qoǵam aýylynda QR Táýelsizdiginiń 25 jyldyǵy mereıli merekesine baılanysty aýdannyń bir top belsendi jastary «Táýelsizdikke tartý» aktsııasyn ótkizdi, dep habarlaıdy aýdan ákimdiginiń baspasóz qyzmeti.

Aktsııa aıasynda «Arystanbab» kesenesine zııarat jasap kelgen týrısterge jergilikti qolóner sheberleriniń jasaǵan buıymdary syıǵa berilip, qurmet kórsetildi. Shara barysynda Qyrǵyzstan, Bashqurt, Ózbekstan, Ýkraına, Reseı elderinen kelgen qonaqtar aktsııanyń uıymdastyrýshylaryna alǵystaryn aıtyp, el Egemendiginiń 25 jyldyq merekesimen quttyqtap, ózderiniń ystyq lebizderin bildirdi. 

Tatýlyq pen aýyzbirshilik turaqtylyqtyń kepili ekendigine Elbasymyzdyń júrgizip otyrǵan salıqaly saıasaty arqyly kýá bolýdamyz. Halyqaralyq tatýlyqty saqtap, ulttar dostastyǵyn nyǵaıtý, Táýelsiz elimizdiń 25 jyldyq mereıli kúnin merekeleýdiń aıasyn keńeıtý, otandyq ónimderdi nasıhattaý maqsatynda ótkizilip jatqan aktsııa 16 jeltoqsanǵa deıin jalǵasyn tabatyn bolady. Aıta keteıik, árqashanda qoǵamnyń qozǵaýshy kúshi jastar bolyp esepteledi. Sondyqtan, jastarǵa artylatyn jaýapkershilik pen mindetter kóp ári talap ta kúshti. Jastarǵa elimizdiń Táýelsizdigin qasterlep, týyn qulatpaı ustaý jaýapkershiligi artylady. Olar qoǵamnyń kez kelgen mańyzdy sharalaryna belsene atsalysýy qajet.