OQO jastary latyn álipbıine qatysty óz oılaryn aıtty
Oblys ortalyǵyndaǵy №5 kolledj ujymy Qazaqstan Respýblıkasy Prezıdentiniń 2017 jylǵy 26 qazanda №569 qaýlysymen bekitilgen latyn grafıkasyna negizdelgen qazaq tili álipbıine qatysty kezdesý ótkizdi. Basqosý barysynda kolledj dırektory Gúlmıra Taǵaeva sóz alyp, latyn grafıkasy jaıynda óz oıyn jetkizdi.
«Qazaq tili álipbıin kırıllıtsadan latyn grafıkasyna kóshirý týraly Memleket basshysy Nursultan Nazarbaevtyń Jarlyǵy óz ýaqytynda qabyldanǵan tarıhı sheshim dep uǵamyz. Meniń oıymsha, ońtústik jurtshylyǵy Memleket basshysynyń Jarlyǵymen bekitilgen jańa álipbıdi biraýyzdan qoldaıdy. Ásirese, qazaq tili álipbıiniń 2025 jylǵa deıin latyn grafıkasyna kezeń-kezeńimen kóshýin qamtamasyz etý týraly el Úkimetine bergen tapsyrmasynda naqty merzimdi belgileýin naqtylyqtyń kórinisi dep qabyldaıdy», - dedi kolledj dırektory.
Sharada stýdentter de latyn álipbıine qatysty óz oılaryn ortaǵa saldy. Jastar qazaq álipbıiniń ózgeriske enýi der kezinde qabyldanǵan sheshim ekenin atap ótti.
«Belsendi jastardyń biri retinde, men latyn álipbıin kúndelikti uıaly baılanys arqyly nemese áleýmettik jelide hat almasý barysynda jıi paıdalanamyn. Endi latyn grafıkasyna kóshýge sebep bar. Óıtkeni latyn qaripin álemniń alpaýyt elderiniń qoldanysynda bar tájirıbe. Bizdiń Elbasymyz jarlyqqa qol qoıý arqyly damyǵan memleketterdiń kóshin jalǵady»,- dedi kolledj stýdenti Baqytjan Saǵyndyqov.
Sondaı-aq, jıynǵa qatysýshylar el bolashaǵy úshin qabyldanǵan mańyzdy sheshimge qoldaý kórsetý, jaqsyny úırenbekke umtylý - júregi «elim» dep soqqan árbir qazaqstandyqtyń abyroıly mindeti ekenin aıtty.