OQO: Otyrar aýdanynda «Uly Dala eli» atty dóńgelek ústel otyrysy ótti

ASTANA. QazAqparat - El Táýelsizdiginiń 25 jyldyǵyna oraı Ońtústik Qazaqstan oblysy Otyrar aýdanynyń ortalyq kitaphanasynda «Uly Dala eli» atty dóńgelek ústel otyrysy ótti, dep habarlaıdy aýdan ákimdiginiń baspasóz qyzmeti.

Dóńgelek ústelge aýdan ákimi Erlan Aıtahanov qatysyp, kópshilikti mereıli merekemen quttyqtady. Quttyqtaý sózinde «Uly Dala eliniń azattyǵy bolashaq urpaqqa amanat. Ótken jyly Elbasymyz Nursultan Nazarbaev: «Biz uly dalanyń urpaǵymyz. Bul dalany ata-babamyz bizge qaldyrý úshin qanyn tógip qorǵaǵan. "Qazaqstan" degen ataýmen qatar, "Uly Dala eli" ataýy da qoldanylsa durys bolady» degen edi. Qalyń qazaqtyń ystyq yqylasyna bólengen usynys qoldaý tapqany da belgili. Al, búginde bizdiń maqsatymyz el Prezıdentiniń syndarly saıasatyn qoldaı otyryp, «Uly Dala elin» jastar arasynda nasıhattaý, Egemendigimizdi tuǵyrly etý» degen aýdan ákimi jurtty kemel keleshek jolynda aıanbaı eńbek etýge shaqyrdy.

Jıynda kópshilik «Uly dala eli» - ult muraty», «Qazaqstan tarıhyndaǵy belesti kezeńder - Táýelsizdik jetistikteri», «Máńgilik El - ortaq maqsat, ortaq múdde» degen taqyryptary boıynsha oı bólisse, Bekjan Beısenbaı, Saǵyndyq Qydyrlar jas shákirtterge túrki halqynyń tarıhymen tanystyryp ótti.

Jıyn sońy qundy rýhanı muralar qamtylyp, Otyrar arheologııalyq memlekettik qoryq-murajaıynyń usynǵan kórmeni aralaýmen aıaqtaldy.