OQO: Ordabasylyqtar baspanamen jáne aýyzsýmen qamtyldy

ASTANA. QazAqparat - 1 jeltoqsan - Qazaqstan Respýblıkasynyń Tuńǵysh Prezıdenti kúni merekesi qarsańynda Ordabasy aýdanynyń ortalyǵynda eki páterli 14 turǵyn úı tapsyryldy. Ordabasylyqtarǵa baspanany tapsyrý sharasyna Ońtústik Qazaqstan oblysynyń ákimi Janseıit Túımebaev qatysty.

Aımaq basshysy aýdan ortalyǵy - Temirlan aýylynda «Qoljetimdi baspana - 2020» baǵdarlamasy aıasynda oblystyq bıýdjet esebinen salynǵan turǵyn úılerdiń kiltin jetim jáne ata-anasynyń qamqorlyǵynsyz qalǵan balalarǵa, kezekte turǵan áleýmettik turmysy tómen  otbasylarǵa tabystap, jańa qonys berekeli shańyraqqa aınalýyn tiledi.

«Barys-Tassaı» JShS úılerdiń qurylysyn merziminde aıaqtap, paıdalanýǵa berip otyr. Ordabasy aýdanynda barlyǵy 30 kommýnaldyq turǵyn úı bar. Mundaǵy ár úıdiń sharshy metriniń jaldaý quny - 50 teńge kóleminde belgilengen.

Aıta keteıik, aýdanda turǵyn úı kezeginde 243 adam tirkelgen. Olardy baspanamen qamtý maqsatynda aýdan ákimdigi kommýnaldy kópqabatty turǵyn úılerdi salý úshin tıisti jumystardy júrgizýde.

Osy kúni oblys ákimi Tórtkúl aýyl okrýgindegi Qarsybaı Spataev aýylyndaǵy aýyz sý júıesiniń iske qosylý sharasyna qatysyp, aýyl turǵyndarynyń qýanyshymen bólisti.

Jańa tartylǵan sý qubyrynyń aýyl halqy úshin orasan zor qýanyshty oqıǵa ekenin alǵa tartqan óńir basshysy, oblystaǵy eldi mekenderdi taza aýyzsýmen qamtamasyz etý oblystyń damý baǵytynda atqarylatyn jumystardyń bastysy ekenin jetkizdi.

Mereke qarsańynda aýyldaǵy 136 otbasy, ıaǵnı 1600 turǵyn taza aýyzsýmen qamtylyp otyr. Bul nysannyń qurylysyn oblystyq bıýdjet esebinen «Qurylys-servıs-SK» JShS júzege asyryp, paıdalanýǵa berdi. Joba qurylysyna 98 mln teńgege jýyq qarjy jumsaldy. 

Jalpy aýdan kólemindegi 57 eldi mekenniń búgingi tańǵa 39-y qubyrly aýyzsýmen qamtylǵan. ıAǵnı turǵyndardyń  88,7 paıyzy taza aýyzsýǵa qol jetkizgen.  Aldaǵy 2020-2021 jyldary aýdandy tolyq sapaly aýyz sýmen qamtý jumystaryn aıaqtaý josparlanýda.