OQO-nyń Tólebı aýdanyna jańa ákim taǵaıyndaldy

ShYMKENT. QazAqparat - QR Prezıdenti Ákimshiliginiń kelisimi jáne Tólebı aýdandyq máslıhatynyń kelisimi boıynsha Ońtústik Qazaqstan oblysy ákiminiń ókimimen Tólebı aýdanynyń ákimi laýazymyna Buharbaı Parmanov taǵaıyndaldy. Bul týraly oblys ákiminiń baspasóz qyzmeti habarlady.

Buharbaı Rysqululy Parmanov 1962 jyly týǵan, bilimi joǵary, ekonomıst, quqyqtaný bakalavry.

Eńbek jolyn 1980 jyly Qazyǵurt aýdany Álisher Naýaı kolhozynyń kolhozshysy retinde bastaǵan. Memlekettik qyzmetti ótkerýdi 1986 jyly Kentaý qalalyq qarjy bóliminiń memlekettik kirister ınspektsııasynyń ekonomısti laýazymynda kirgen. 1987-1994 jyldary Lenın (qazirgi kezde Qazyǵurt aýdany) aýdandyq qarjy bóliminiń memlekettik kirister ekonomısti, aǵa salyq revızory-ınspektory, bas salyq revızory-ınspektory, Lenın aýdany (qazirgi kezde Qazyǵurt aýdany) boıynsha memlekettik salyq ınspektsııasynyń memlekettik salyq ınspektory, aǵa memlekettik salyq ınspektory, ınspektsııasynyń bas memlekettik salyq ınspektory bolǵan.

1994-2002 jyldary aralyǵynda salyq jáne qarjy polıtsııasy organdarynda qyzmet etken. 2002-2014 jyldary aralyǵynda Ońtústik Qazaqstan oblysy Saryaǵash aýdany boıynsha salyq komıtetiniń tóraǵasynyń orynbasary jáne tóraǵasy, Saryaǵash aýdany ákiminiń orynbasary qyzmetterin atqarǵan.

2014 jyldyń aqpan aıynan bastap Ońtústik Qazaqstan oblysy Saryaǵash aýdanynyń ákimi bolyp eńbek etip keldi.