OQO-nyń shalǵaı aýdanynda emdeý mekemeleri paıdalanýǵa berildi

ShYMKENT. QazAqparat -  Ońtústik Qazaqstan oblysynyń Maqtaaral aýdanynda 3 jańa nysan paıdalanýǵa berildi. Táýelsizdik kúni qarsańynda ashylǵan úsh nysan aýdandaǵy  medıtsınalyq mekemeler qataryn tolyqtyrdy,  dep habarlaıdy QazAqparat tilshisi.

Joldasbaı Eralıev aýyldyq okrýgine qarasty Araı eldimekeninde el ıgiligine berilgen  dárigerlik ambýlatorııanyń qurylysyna 234 mıllıon teńge jumsalǵan. Ǵımaratta medıtsınalyq feldsherdik jáne akýsherlik kabınet, ekpe jáne túberkýlezdi emdeý bólmeleri bar. Em-domdyq kabınetter tolyqtaı zamanaýı jańa úlgidegi apparattarmen jabdyqtalǵan. Ondaǵy bilikti mamandar aýyl turǵyndarynyń barlyǵyna qajetti medıtsınalyq kómek kórsetetin bolady
 

Al,  Jańa aýyl jáne Aıazhan Qalybekov aýyldyq okrýginde feldsherlik akýsherlik pýnkteri ashyldy. Aýdan basshysy Ǵalymjan Ismaılov densaýlyq saqtaý salasyn damytýdyń 2016-2019 jyldarǵa arnalǵan «Densaýlyq» memlekettik baǵdarlamasy aıasynda ashylǵan zamanaýı nysandar aldaǵy ýaqytta turǵyndarǵa sapaly medıtsınalyq qyzmet kórsetetetin aıtty.
 

«Halyqtyń densaýlyǵy - memlekettiń basty baılyǵy. Óıtkeni, deni saý adam árqashan eńbekke jaramdy bolyp, memlekettiń damýyna úlesq qosady. Halqymyz «Deni saýdyń - jany saý» dep oryndy aıtqan. Otanymyzdyń da keleshegi, kórkeıýi azamattarymyzdyń densaýlyǵynyń jaqsy bolýynda» - dedi Ǵalymjan Ismaılov.