OQO-nyń delegatsııasy Reseıde Stalıngrad shaıqasyna qatysqan qazaqstandyqtar týraly baǵdarlama túsiredi
16:02, 25 Aqpan 2015
ShYMKENT. QazAqparat - OQO-nyń delegatsııasy Reseıde Stalıngrad shaıqasyna qatysqan qazaqstandyqtar týraly baǵdarlama túsiredi.
Stalıngrad shaıqasynda batyrlyq kórsetken qazaqstandyqtardyń bastan keshken oqıǵalary jaıly sıýjet Volgograd jáne Rostov oblystarynda, Qalmaq respýblıkasynda túsiriledi. Tilshilermen birge Reseı Federatsııasyna eńbek ardageri, QR Prezıdentiniń kýrstasy Marat Qystaýbaev ta attandy. Bul qyzmettik sapar «Ardagerlerdi ardaqtaıyq» - «S zabotoı o starshem pokolenıı» partııalyq jobasynyń aıasynda uıymdastyrylyp jatyr.
Ońtústik qazaqstan tilshileri óz baǵdarlamasynda 1942 jyldyń jeltoqsanynda qaza tapqan Keńes Odaǵynyń Batyry, ushqysh Núrken Ábdirovtiń ómiri men erlikteri, sondaı-aq Keńes Odaǵynyń Batyry Qarsybaı Sypataev týraly baıandaıdy. Ol 1942 jyldyń qarasha aıynda shaıqas kezinde qaza tapqan.