OQO: Maqtaaral men Saryaǵash taǵy bes aýdanǵa bólinedi

ASTANA. QazAqparat - Ońtústik Qazaqstan oblysynyń Maqtaaral aýdany - úsh, Saryaǵash aýdany taǵy eki aýdanǵa bólinip, burynǵy aýdan ortalyqtary qaıta qalpyna keltiriledi. Mundaı sheshim 26 aqpan kúni ótken Oblystyq qoǵamdyq keńes otyrysynda biraýyzdan qabyldandy, dep habarlaıdy QazAqparat otyrar.kz saıtyna silteme jasap.

Kezekten tys shaqyrylǵan jıynda oblystyń ákimshilik-aýmaqtyq qurylysyndaǵy ózgerister jáne Asyqata, Keles, Jetisaı, Maqtaaral, Saryaǵash aýdandarynyń shekaralaryn kelisý máseleleri qaraldy. Bul ózgeristerdi Ádilet departamentinde tirkep, zańdastyrý úshin qoǵamdyq keńes múshelerine Prezıdent Qaýlysy men negizdi usynystar tanystyryldy.

Tarıhı mańyzy basym másele osyǵan deıin oblystyq máslıhattyń sessııasynda da qaralǵan bolatyn. Keńes músheleri óz saýaldaryn da naqtylaýǵa tyrysty. Sondaı-aq Shymkent qalasyna kórshi aýdandardan eldimekenderdi qosý nátıjesinde buǵan deıin týyndaǵan qujattaı jáne azamattardy tirkeý problemalary oryn almasa degen tilek usynystar jetkizildi.

Foto: kz.otyrar.kz