OQO əkimdigi men ıÝNISEF ókili memorandýmǵa qol qoıdy
Kezdesýde balalalardyń teń múmkindikter alýǵa quqyǵy, otbasy densaýlyǵyn nyǵaıtý jáne áleýmettik qoldaý sııaqty máseleler talqylandy. Sondaı-aq, 2016-2020 jyldarǵa arnalǵan Qazaqstan Respýblıkasynyń Úkimeti men BUU Balalar Qory arasyndaǵy yntymaqtastyq jospary sheńberinde densaýlyq saqtaý jáne halyqty áleýmettik qorǵaý salalaryndaǵy yntymaqtastyq baǵyttary jóninde pikir almasyldy.
«Ońtústik Qazaqstan oblysy týý kórsetkishi boıynsha elimizde kósh bastap turǵan óńir. Respýblıkada týylǵan árbir besinshi bala Kúngeıde dúnıege keledi. Bizdiń aımaq jastarynyń kóptigimen de erekshe oblys. Búgingi túzilgen memorandým áleýmettik qorǵaý salalary syndy mańyzdy baǵyttardyń máselesin sheshýge, sáıkesinshe, balalar quqyǵynyń qorǵalýyna muryndyq bolady degen úmittemin», - dedi Janseıit Túımebaev.
Atalǵan yntymaqtastyq qujaty aıasynda óńirimizdegi ana men bala ólimin azaıtý, kámelet jasqa tolmaǵan jasóspirimder arasynda sýıtsıdke jol bermeý, balalardyń jaǵdaıyn jaqsartý men quqyqtaryn qamtamasyz etý,balalar eńbegin qanaýdyń aldyn alý, jetim qalǵan balalarǵa otbasy tárbıesiniń balamaly túrlerin engizý, múgedek balalardy aıryqsha qajetti zattarmen qamtamasyz etýge baǵyttalǵan sharalar josparlanǵan. Sondaı-aq, otbasy men qoǵamnyń áleýetin nyǵaıtý, áleýmettik jáne basqarý saıasatyn ázirleý de qarastyrylǵan.
Óz kezeginde, BUU Balalar qorynyń (ıÝNISEF) Qazaqstandaǵy Ókili ıÝrıı Oksamıtnyı myrza Ońtústik Qazaqstan oblysy ákimdigimen balalardyń quqyqtaryn qorǵaý salasyndaǵy yntymaqtastyqtyń mańyzyn atap ótti.
«Bizdiń yntymaqtastyǵymyzdyń negizgi maqsaty - Ońtústik Qazaqstan oblysyndaǵy balalardyń jaǵdaıyn jaqsartý men quqyqtaryn qamtamasyz etý,balalar eńbegin qanaýdyń aldyn alý, ana men balaǵa qoldaý kórsetip, olardyń quqyqtaryn qorǵaýdy iske asyrý bolyp tabylady. Bul baǵyttaǵy jumystardy nyǵaıtý jáne ilgeriletý jolynda birlese jumys isteýge nıettimiz», - dedi Qazaqstandaǵy BUU Balalar qorynyń (ıÝNISEF)ókili ıÝrıı Oksamıtnyı.
Aıta ketý kerek, BUU Balalar qory (ıÝNISEF) ár balanyń quqyǵyn júzege asyratyn beıbitshilik qurý isindegi jetekshi uıym bolyp tabylady. Atalǵan qor álemniń 190 elinde qyzmet etedi.