OQO: Qazyǵurt taýynda iri týrıstik keshenniń qazyǵy qaǵyldy

ASTANA. QazAqparat - Ońtústikqazaqstandyqtar Ulystyń uly kúni - áz Naýryz merekesin erekshe atap ótti. Aldymen Qazyǵurt taýynyń baýraıyndaǵy qasıetti shyńdaǵy Kemeqalǵan nysanynyń qazyǵy qaǵyldy. Aldaǵy ýaqytta tómennen Kemeqalǵan nysanyna alyp baratyn jalpy uzyndyǵy 3,1 shaqyrymdyq kanat joly men 4 shaqyrymdyq jaıaý júrginshiler joly salynady. Sondaı-aq ulttyq at sporty oıyndaryn ótkizetin 20 gektar aýmaqta atshabar qurylysy josparlanyp otyr. Bul týraly OQO ákimdiginen málim etti.

«Naýryz - Qazyǵurttan bastalady» atty Naýryz toıy «Rýhanı
jańǵyrý» baǵdarlamasy aıasyndaǵy aýqymdy is-sharalardyń biri de, biregeıi boldy.
Aldaǵy ýaqytta Qazyǵurt taýyn zaman talabyna saı iri týrıstik ortalyq retinde
qalyptastyrý mindeti tur. Osyǵan oraı Qazyǵurtta arnaıy keshen jasaýdy jobalap
otyrmyz. Keme Qazyǵurttyń bıigine ornatylmaq.  Ol úshqabatty, uzyndyǵy - 137
metr, eni - 30, al bıiktigi 15 metr bolmaq. Mýzeı, qonaq úı, meıramhana, kórý
alańdarynyń qurylysyn salý qarastyrylady.  Eki shaqyrym kólik joly men jaıaý
júrginshiler joly salynyp, jan-jaqty abattandyrý, tynyǵý, demalys alańdaryn
jasaý jumystary bar», - dedi Janseıit Túımebaev.  

Osylaısha oblys basshysy bastaǵan óńir azamattary tarıhı
nysannyń qazyǵyn qaqty. Jergilikti jurtty qýanyshty jaıtpen quttyqtady.

Sonymen qatar, oblys ákimi bıylǵy jyly qolǵa alynatyn
aýqymdy mádenı sharalardy da atap ótti. Máselen, «Ultyq qolóner - uly mura»,
«Týǵan jerge taǵzym: Ordabasy kóktemi» jastar forýmy, «Aqsý-Jabaǵylynyń alaýy,
Shubaıqyzyldyń jalaýy» qyzǵaldaq festıvali, «Qymyzmuryndyq», «Qaýynfest»,
«Safarı Shardara» jáne taǵy basqa da is-sharalar ótkizý
josparlanýda.