OQO kásipkerleri Astanaǵa kostıým men transformatorlar ákeldi

ASTANA. QazAqparat - Ońtústik Qazaqstan oblysynyń Astanadaǵy kúnderi aıasynda oblystyń kásipkerleri óz ónimderin kórmege shyǵardy. Kásipkerler negizinen kórmege kilemderin, kostıým men transformatorlar ákelip qoıǵan, dep habarlaıdy QazAqaparat.

 
«OQO-nyń  Astanadaǵy kúnderi aıasynda oblystaǵy ónerkásip óndirýshilerdiń kórmesi  ótip jatyr. Kórmege óńirdegi jeńil ónerkásip, mashına jasaý, farmatsevtıka, tamaq ónerkásibi, qurylys zattary salasyndaǵy 30 kásiporyn ózderiniń otandyq ónimin kórmege qoıǵan. Ońtústik Qazaqstan oblysynyń ákimi Janseıit Túımebaev kórmeni jeke aralap kórip shyqty», - dep habarladıdy OQO ákimdiginiń baspasóz qyzmeti. 
Kásipkerler Astanadaǵy kórmege kilemderin, erler kostıýminiń túrlerin, transformatorlar, dári-dármek pen medıtsınadaǵy qural-jabdyqtaryn, shulyq, toqyma, jıhaz, qurylys zattaryn ákep qoıǵan. 
Jalpy, Ońtústik Qazaqstan oblysynyń ónerkásiptegi kásiporyndary jyl basynan beri 515,4 mlrd teńgeniń ónimin óndirdi. Bul ótken jylǵynyń tıisti kezeńimen salystyrǵanda 109,6 mlrd teńgege artyq.