OQO: Elbasy Joldaýy mektepte túsindirildi

ShYMKENT. QazAqparat - QR Táýelsizdiginiń 25 jyldyq mereıli merekesine oraı Ońtústik Qazaqstan oblysynyń Otyrar aýdanyna qarasty Yntaly aýylynda birqatar sala mamandary men ustazdardyń qatysýymen «Qazaqstannyń áleýmettik-ekonomıkalyq jańǵyrýy» atty dóńgelek ústel bolyp ótti, dep habarlaıdy aýdan ákimdiginiń baspasóz qyzmeti.

Elbasymyz Nursultan Ábishuly Nazarbaevtyń 2012 jyldyń 27 qańtardaǵy Qazaqstan halqyna arnaǵan «Áleýmettik-ekonomıkalyq jańǵyrtý - Qazaqstan damýynyń basty baǵyty» Joldaýyn nasıhattaý maqsatynda ótken jıynǵa Perdehan Japparqulov qatysyp, mereıli merekemen quttyqtap, Elbasy Joldaýyna toqtalyp ótti.

Jıyn barysynda Á.Baıtanaev mektebiniń muǵalimi G.Tastanbekova «Elbasy Joldaýy - el muraty» atty baıandamasyn oqysa, «Muraty asyl Táýelsizdik» atty vıdeorolık kórsetildi. Dóńgelek ústel mektep oqýshylarynyń «Táýelsizdikke tartý» kontserttik baǵdarlamalarymen jalǵasyn tapty.

 Aıta ketý kerek, Joldaýda Prezıdent basym baǵyttaǵy mańyzdy on máselege keńinen toqtalǵan bolatyn. Olardyń qatarynda qazaqstandyqtardyń jumysqa tartylýy, oqytý men jumysqa ornalasýǵa septesýdiń tıimdi júıesin jasaý, aýyldyq jerdegi kásipkerlikti damytýǵa septesý, eńbek resýrstarynyń jınaqylyǵy, Qazaqstannyń ekonomıka­lyq turǵydan belsendi ortalyqtarynda jumysqa ornalastyrýǵa basymdyq berý máseleleri bar. Sonymen qatar, qoljetimdi baspana, óńirlerdi damytý máselelerine keńinen toqtaldy. Prezıdent N.Nazarbaev Úkimetke bir salaly shaǵyn qalalardy damytý týraly arnaıy baǵdarlama jasaýdy, jergilikti ózin-ózi basqarýdy damytý tujyrymdamasy jobasyn ázirleýdi tapsyrǵan bolatyn.