OQO-dan Astanaǵa qaraı aýyl sharýashylyǵy kerýeni jol tartty

ShYMKENT - Ońtústik Qazaqstan oblysynyń Astanadaǵy kúnderi aıasynda oblystyq ónerkásip óndirýshilerdiń kórmesi men aýyl sharýashylyǵy ónimderiniń jármeńkesi ótedi.

OQO ákiminiń baspasóz qyzmetiniń habarlaýynsha, osyǵan oraı, óńirden elordaǵa 300 tonnadan astam aýyl sharýashylyǵy ónimderi tıelgen kerýen jolǵa shyqty. Mereıtoıǵa tartý retinde ońtústikqazaqstandyq dıqandar óz ónimderin naryqtaǵy baǵadan 15-20 paıyzǵa arzan saýdalamaq.

Sonymen, jalpy kólemi 304 tonna bolatyn ónimderdiń quramynda 60 tonna et jáne et ónimderi, 126 tonna kókónis, 29 tonna jemis-jıdek, 7 tonna sút ónimderi, 5 tn shubat, 25 myń dana jumyrtqa, 40 teńge baqsha ónimderi, 7 tn balyq, 7 tonna bal, 3 tonna ósimdik maıy men 5 tonna keptirilgen jemis,  15 tonna basqa da ónimder bar.

Mundaǵy aýyl sharýashylyq ónimderiniń jalpy quny - 100,8 mln teńge. Elordada «Han Shatyr» saýda-oıyn-saýyq ortalyǵy mańynda 15-16 qazan kúnderi ótetin aýyl sharýashylyǵy jármeńkesine 50-den astam Ońtústik óńirdiń taýar óndirýshileri  sapaly ári balǵyn ónimderin turǵyndarǵa usynbaq.