OQO-daǵy Jetisaı aýdanynda Elbasynyń jarlyǵyna oraı mádenı shara uıymdastyryldy

ShYMKENT. QazAqparat - Ońtústik Qazaqstan obysynda Maqtaral aýdany Atakent kentinde jańa aýdandardyń qurylýyna baılanysty «Elbasynyń Jarlyǵy - óńirdiń órkendeýi» atty saltanatty shara ótti. Oblys ákimi Janseıit Túımebaevtyń qatysýymen ótken sharada  óńirdiń tarıhynan syr shertetin teatrlandyrylǵan qoıylymdar sahnalanyp, kontserttik baǵdarlamalar qoıyldy,  dep habarlaıdy QazAqparat tilshisi.

Aýdandaǵy «Alpamys batyr» atyndaǵy ortalyq stadıonynda ótken sharada alǵashqy bolyp sóz alǵan aımaq basshysy Janseıit Qanseıituly tarıhı oqıǵanyń mańyzyna toqtalyp, jergilikti jurtqa quttyqtaýyn jetkizdi.

«Elbasymyz Maqtaaralǵa qatysty Jarlyǵyn Ońtústiktiń jurtshylyǵy aıryqsha zor qýanyshpen qabyldady. Halqy eń tyǵyz shoǵyrlanǵan aýdandy Maqtaaral jáne Jetisaı dep bólip bergen Prezıdentimizge el erekshe rızalyǵyn bildirýde. Myrzashól jeri asa qutty, qymbat mekenderdiń biri. Osy dala tósinde mańdaı terin tókken 35 jerlesimizge keshegi Odaqtyń eń joǵary nagradasy Sotsıalıstik Eńbek Eri ataǵy berilýi tegin emes. Sondyqtan qasıetti Myrzashól órlik pen erliktiń, qaısarlyq pen qaharmandyqtyń qutty mekeni desek artyq aıtqandyq emes. Barshańyzdy Ońtústik Qazaqstan oblysy úshin mańyzdy da, aıtýly osyndaı oqıǵamen shyn júrekten quttyqtaımyn!», - dedi oblys ákimi.

Jıynda aımaq basshysy sondaı-aq maqtaly óńirge eńbegi sńyp, onyń damýyna óz úlesterin qosqan bir top azamattardy marapattady. Merekelik shara kontserttik baǵdarlamaǵa ulasyp, jınalǵan jurt jergilikti ónerpazdardyń ónerin tamashalady.

Aıta keteıik,  jańa qurylym boıynsha Jetisaı aýdanynyń aýmaǵy - 104428 gektardy, halqynynyń sany - 172 903-i quraıdy. Quramynda 13 aýyldyq okrýg pen 113 eldi meken bolmaq. Ortalyǵy- Jetisaı qalasy. Al Maqtaaral aýdanynyń aýmaǵy 80970 gektardy qurasa, halqynyń sany - 131781 bolyp otyr. Aýdanda 11 aýyldyq okrýg pen 69 eldi meken bar. Ortalyǵy - Myrzakent kenti dep bekitilgen.