OQO-daǵy Kentaý qalasy tabıǵı gazben qamtylatyn boldy
11:25, 17 Tamyz 2017
ShYMKENT. QazAqparat - Ońtústik Qazaqstan oblysyndaǵy Kentaý qalasy tabıǵı gazben qamtylatyn boldy. Shaǵyn shahar aýmaǵynda kógildir otyndy taratatyn stantsııa men magıstraldi qubyrdyń qurylysy bitýge jaqyn. Qazirgi tańda qubyr tartý jumystary júrgizilýde, dep habarlaıdy QazAqparat HAA tilshisi.
Kentaýlyqtardy tabıǵı gazben qamtý maqsatynda qazynadan qomaqty qarjy qaralǵan. Qazirgi tańda «Beıneý-Shymkent» magıstraldi gaz qubyry Kentaý qalasyna deıin jetkizildi. Merdiger mekeme Qarnaq aýylynda montajdaý jáne qurylys jumystaryn júrgizip jatyr. Bul jumystarǵa bas-aıaǵy 32 tehnıka jumyldyrylǵan.
Sala mamandarynyń sózinshe, bul jerlerge tıisti qubyrlar tartylyp, gaz berýge daıyndyq sharalary jasalýda. Jańa nysan salynyp, qurylǵylar iske qosylǵanda avtomatty túrde jumys isteıtin bolady.
Aıta keteıik, qurylys jumystary qala bıliginiń jiti qadaǵalaýynda.