OQO-da júzge jýyq polıtsııa qyzmetkeri marapattaldy

ShYMKENT. QazAqparat - Ońtústik Qazaqstan oblysynyń ishki ister departamentinde QR Tuńǵysh Prezıdenti kúnine arnalǵan merekelik is-shara bolyp ótti. Polıtsııa qyzmetkerlerleriniń qatysýymen ótken merekelik is-sharaǵa OQO ІІD-niń basshysy Janat Súleımenov qatysyp, jeke quramdy quttyqtady, dep habarlaıdy QazAqparat tilshisi.

Saltanatty is-shara barysynda táýelsiz Qazaqstannyń qurylýy men damýyndaǵy El Prezıdenti - Ult kóshbasshysy N.Á.Nazarbaevtyń tarıhı rólin túsindirý boıynsha Elbasy saıasatymen jasalyp jatqan reformalar týraly Leonıd Mlechınniń «Vspomnıt vse» atty qysqametrajdy derekti fılmi kórsetildi.  Jıynda sondaı-aq, ishki ister salasyndaǵy qyzmetinde abyroıly jáne kásibı biliktiligimen tanylǵan júzge jýyq qyzmetker marapattaldy. Onyń ishinde Qazaqstan Respýblıkasynyń Іshki ister mınıstriniń buıryǵymen 20 qyzmetker alǵysqa hat aldy. 

Saltanatty jıyn sońy ánshilerdiń qatysýymen bolǵan kontsertke ulasty. Polıtsııa qyzmetkerlerin quttyqtaýǵa kelgen estrada juldyzdary ánnen shashý shashyp, merekelik kóńil-kúı syılady.