OQO-da jazýshy-dramatýrg Erkinbek Turysovqa qurmet kórsetildi

ShYMKENT. QazAqparat - Ońtústik Qazaqstan oblysynyń "Túrkistan" saraıynda belgili jazýshy-dramatýrg, Qazaqstan Respýblıkasynyń eńbek sińirgen qaıratkeri, Halyqaralyq "Alash" ədebı syılyǵynyń laýreaty, Ońtústik Qazaqstan oblysynyń jəne Bəıdibek aýdanynyń Qurmetti azamaty Erkinbek Turysovtyń 90 jasqa tolýyna oraı merekelik kezdesý keshi ótti. Oblystyq mədenıet basqarmasynyń uıymdastyrǵan sharala jazýshynyń ədebı-shyǵarmashylyq qyzmetine alpys jyl tolǵany da erekshe atalyp ótildi, dep habarlaıdy QazAqparat tilshisi.

Elbasy N.Ə.Nazarbaevtyń " Bolashaqqa baǵdar:rýhanı jańǵyrý" maqalasy aıasynda ótkizilgen keshke oblys əkiminiń orynbasary Erbol Sadyr, oblystyq məslıhat hatshysy Qaırat Balabıev pen Qazaqstan Respýblıkasy Parlamenti Májilisiniń eks-depýtaty,  qoǵam qaıratkeri, "Qurmet" ordeniniń ıegeri Orazkúl Asanǵazy qatysty. Sondaı-aq ádebıet keshte  Qazaqstannyń halyq aqyny, "Parasat" ordeniniń ıegeri Əselhan Qalybekova men zııaly qaýym ókilderi, ardagerlerler men aýdan əkimdikteriniń  qyzmetkerleri jáne jastar boldy. Kesh barysynda qonaqtar jazýshynyń eńbek joly men qazaq ádebıetine qosqana orasan eńbegi, keıingi urpaqqa qaldyrǵan óshpes murasy jaıly aıtyp ótti. Aıta keteıik, sanaly ǵumyrynyń alpys jylyn tól týyndylary arqyly elge qyzmet etýge arnaǵan qalamgerdiń 600-ge jýyq tarıhı jáne kórkem pýblıtsıstıkalyq shyǵarmalary mədenıet pen ádebıettiń qazyna qorjynyn  baıytyp, ózindik iz qaldyryp otyr. Al, "Kelinshektaý", "Aqbaqaı", "Qyran taýy", "Quralaı joly", "Túnder sazy", "Shyǵystyń shyń uldary", "Bəıdibek" atty dúnıeleri shyǵarmashylyq shyńyna jetelegen asyl mura retinde oqyrmanǵa aıryqsha ystyq. Qarymdy qalam ıesimen ótken áserli kezdesýde Jumat Shanın atyndaǵy akademııalyq qazaq drama teatrynyń ərtisteri "Bəıdibek bı" qoıylymynan úzindini sahnalady. Oblystyń birqatar óner maıtalmandary kontserttik baǵdarlamamen keshtiń kórkin asha tústi.