OQO-da jasalǵan anımatsııalyq fılmder qazaqtyń kóne tarıhynan syr shertedi

ShYMKENT. QazAqparat - Ońtústik Qazaqstan oblysyndaǵy kıeli jáne tarıhı mekendi balalarǵa arnalǵan týyndylarmen nasıhattaýdy tuńǵysh ret Otyrar aýdany əkimdigi qolǵa aldy. Tarıhı jazbalar men túrli ańyz-əńgimeler, kóne Otyrardyń məńgilik beınesi kúni búginge deıin ədebı týyndylar jəne kıno salasy arqyly urpaq jadynda saqtalsa, qundy derekter shoǵyry búldirshinder tilinde de jınaqtaldy, dep habarlaıdy QazAqparat tilshisi.

Elbasy N. Á.Nazarbaevtyń «Bolashaqqa baǵdar: rýhanı jańǵyrý» maqalasy aıasynda «Týǵan jer» baǵdarlamasyn júzege asyrý, Ońtústik Qazaqstan oblysynyń 85 jyldyǵy jəne Otyrardyń otty uly Muhtar Shahanovtyń 75 jyldyǵyna oraı tartý etilgen "Kóne qumyranyń syry", "Otyrar dastany" anımatsııalyq fılmi ejelgi qalanyń erekshe tarıhı jolyn tanytady. Máselen, Muhtar Shahanovtyń «Otyrar dastany» shyǵarmasy aıasynda jasalǵan anımatsııalyq fılmde alty aı boıy Otyrar qamalyn ala almaǵan  Shyńǵys han men onyń əskeri, satqyndyq pen janqııarlyq is-əreketter beınelengen. Ondaǵy qarııanyń danalyǵy men daralyǵy syndy kóptegen oqıǵalar 10 mınýt aıasynda kórsetiledi. Fılmniń ereksheligi men qundylyǵy keıipkerler emes, bastan-aıaq Otyrardyń týmasy, aqıyq aqyn Muhtar Shahanovtyń "Otyrar dastany" shyǵarmasy oqylýymen kórsetiledi. Mətindi ənshi, akter Marat Orazmetov oqyp, ərbir sətke rýhty tebirenister syılaıdy. Shyǵarma keıipkerleri Shyńǵys han, Shyńǵys hannyń uly Shaǵataı, Otyrar hany,aqyldy, oıshyl Qadyrhan (Qaıyrhan) jəne satqyn Qarasha (Qarashoqy) men satqynnyń ákesi, aqyldy, danyshpan qarııa tolǵaýy túpsiz el ótkenin qyzyqty əri shytyrman mənmen beınelep, kórermen kózaıymyna aınaldy.
 

Al, «Kóne qumyranyń syry» (Otyrardy qorǵaý) 10 mınýttyq anımatsııalyq fılminde eki kishkene qyzdyń jasyrynbaq oınap júrip taýyp alǵan kóne qumyrasy jəne Otyrar tarıhy syr shertedi. Qasıetti Otyrardyń topyraǵy men naǵyz has sheberdiń qolynan shyqqan tarıhı jádigerge til bitirý arqyly qos qyzdy shahardyń ótkenine serýendetip, kóne qalanyń tarıhymen tanystyrý boldy. Shyńǵys han men onyń balasynyń Otyrardy ala almaı jatqan sətteri fılmde aıryqsha kórinis tapqan. Qos fılmniń de qundylyǵy osynda. "SAQ" kınostýdııasynda jasalǵan anımatsııalyq fılmderdiń rejısseri Batyrhan Dəýrenbekov balalarǵa kórsetilim qýanyshyn syılaı otyryp, ótkenin uǵyný, mura qadirin seziný, jədiger jaıyn bilý, bolashaqqa patrıottyq sezimmen qaraýǵa tərbıeleý mazmundy fılmniń basty nysanasy bolǵanyn aıtady.
 

"Atalǵan fılmderdi jaryqqa shyǵarý tarıh úshin de erekshe qoltańba retinde qalandy. Oǵan sebep, "Otyrar dastany" anımatsııalyq fılminde keıipkerlerdiń dastan oqylymy aıasynda sózsiz qımyl jasaýy, týyndylar ishinde erekshe joba bolǵany anyq. Tarıhı, kıeli mekenderdi osyndaı dúnıeler arqyly nasıhattaý urpaqtyń ótkenine degen saýaty molaıyp, uǵynýyna septigi mol. Fılm jaryqqa shyqqan soń kóptegen kórermen alǵystaryn bildirip jatyr"-deıdi fılm rejısseri.
 

Óner men tarıhqa baı kıeli óńirdiń tasqa qashalǵan qaǵıdaly ótken ǵumyry, məndi kórsetilimderi aýdan əkimdiginiń arnaıy tapsyrysymen aldaǵy ýaqytta da jalǵasyn tappaq.