OQO-da úsh jylda 500-deı aýylǵa gaz jetkiziledi
Osy maqsatqa oblystyq bıýdjetten 14,1 mlrd teńge jumsalatyn bolady. Bul týraly Qyzyljar gaz taratý stansasynyń jumysymen tanysqan Ońtústik Qazaqstan oblysynyń ákimi Janseıit Túımebaev málim etti.
«Sońǵy jyldary oblysta 7 avtomatty gaz taratý stantsııalarynyń qurylysy júrgizildi. Qurylystyń jalpy quny - 22,2 mlrd teńge. Onyń úsheýi jýyrda paıdalanýǵa beriledi. Olar Kentaý, Ordabasy, Arys aýdandaryndaǵy gaz taratý beketteri. Aýyldardaǵy ishki qurylys jumystary aıaqtalǵannan soń iske qosylýǵa daıyn turǵan stansa Ordabasy, Otyrar aýdandaryn tolyǵymen gazben qamtamasyz etýge jumys jasaıtyn bolady. Osy beketterdi iske qossaq, oblystaǵy soltústik aýdandardy gazben qamtý múmkindigi ashylady», - dedi Janseıit Qanseıituly.
Aıta keteıik, byltyr oblysta 25 eldi mekendi gazǵa qosý jumystary júrgizilgen. Bul maqsatqa 13,7 mlrd teńge baǵyttalǵan bolatyn. Bıyl 70 eldi mekenge gaz qubyrlary tartylyp, qurylys jumystary júrgizilýde. Jalpy, oblysta 844 eldi mekenniń 300-i tabıǵı gazben qamtamasyz etilgen. ıAǵnı bul óńirdiń 1 755 307 turǵyny kógildir otynǵa qol jetkizip otyr.
Oblystyń eldi mekenderin 2017-2020 jyldar aralyǵynda gazdandyrýdyń keshendi is-shara jospary ázirlendi. Josparǵa sáıkes 2020 jylǵa qosymsha 383 eldi mekendi gazdandyrý josparlanyp otyr. 2021 jylǵa tabıǵı gazben qamtylǵan eldi mekender sanyn 683-ke nemese 2 mln. 720 myń turǵynǵa jetkizý mejelenýde.
Esterińizge sala keteıik, 2013 jyly oblysymyzda Elbasynyń tikeleı qoldaýymen júzege asqan «Beıneý-Bozaı-Shymkent» magıstraldy gaz qubyry boıynan 7 avtomattandyrylǵan gaz retteýshi stantsııalarynyń qurylystary júrgizilip, búgingi tańda 4-i (Túrkistan q., Iqan e.m., Saıram aýd., Báıdibek aýd.,) paıdalanýǵa berilse, qalǵan 3-in (Kentaý q., Otyrar aýd., Ordabasy aýd.,) bıyl aıaqtaý josparlanǵan.