OQO-da TURKSOY uıymyna múshe elderiniń sýretshileri bas qosty

ShYMKENT. QazAqparat - Ońtústik Qazaqstan oblysynda «Túrkistan - túrki áleminiń mádenı astanasy» jyly aıasyndaǵy HH-shy TURKSOY uıymyna múshe elderiniń sýretshiler pleneri boıynsha dóńgelek ústel ótti. Basqosýǵa kásibı sýretshiler men Qazaqstannyń eńbek sińirgen qaıratkerleri, QR Kórkem akademııasynyń músheleri jáne óner professorlary shaqyryldy, dep habarlaıdy QazAqparat HAA tilshisi.

Túrkııa, Túrkimenstan, Ózbekstan, Qyrǵyzstan, Reseı Federatsııasy, Ýkraına, Bolgarııa, Moldavııa elderinen   kelgen óner qaıratkerleri men talantty qylqalam sheberleri basqosýda keskindeme salasy boıynsha ózara tájirıbe jáne pikir almasý jaıyn talqylady. Jıynda sóz alǵan oblystyq mádenıet basqarmasynyń basshysy Nurbolat Ahmetjanov plenerdiń maqsatyna toqtalyp ótti.

«Táýelsiz elimizdiń salt-dástúrin, ádet-ǵurpyn, ǵasyrlardan syr shertken qasıetti mádenı sáýlettik eskertkishterin, tarıhı oryndar men ulttyq ónerdi nasıhattaý kózdelip otyr.  Shara barysynda ońtústik óńiriniń ózindik tabıǵı geografııalyq erekshelikteri men  kóz tartarlyq oryndaryn beıneleıtin halyqaralyq deńgeıdegi óner shyǵarmalaryn jasalmaq. Beıneleý ónerinde jańa kórkem baǵyttar jáne plastıkalyq sheshimder men formalardy izdeý nazarda bolady»,- dedi Nurbolat Ahmetjanov.