OQO-da «Týǵan jerge taǵzym» aktsııasy aıasynda sport kesheni ashyldy

 ShYMKENT. QazAqparat - Ońtústik Qazaqstan oblysynda «Týǵan jerge taǵzym!» aktsııasy aıasynda sport kesheni ashyldy. Arys qalasyna qarasty Baıtoǵaı eldi mekeninde salynǵan jańa nysan aýyl balalarynyń jyl boıy fýtbolmen aınalysýyna  múmkindik beredi, dep habarlaıdy QazAqparat tilshisi.

200-ge jýyq tútini bar aýyldaǵy zaman talabyna keshendi  jeke kásipker Hadısha Bıjan salyp berdi. Ol osy aýyldyń týmasy  retinde Baıtoǵaılyq balalarǵa tamasha tartý jasap berdi.
 

Kesheniniń ashylý saltanatyna  aýyl turǵyndary  túgelge jýyq  jınaldy. Sport kesheniniń lentasyn Arys qalasynyń ákimi Murat Qadyrbek pen oblystyq máslıhat depýtaty Rabıǵa Qýatbekova  qıdy.
 
   

Aıta keteıik, sport kesheninde fýtbolshylar úshin barlyq jaǵdaı jasalǵan. Jasyl alań, arnaıy kıim sheshetin bólmeler, bári de zaman talabyna saı keledi. Oıynǵa qajetti qural-jabdyqtardan da muqtajdyq joq. Kez kelgen ýaqytta dop tebýge bolady. Kesheniniń ashylý saltanatynda fýtboldan  týrnır uıymdastyryldy. Almatydan, sonymen qatar jergilikti jerden 12 komanda qatysyp, ózara myqtyny anyqtady. Jeńis tuǵyrynan kóringen sportshylarǵa arnaıy syı-sııapat tabys etildi.