OQO-da til aılyǵy ótýde
Atalǵan shara aıasynda «Memlekettik til - meniń tilim», «Sóz - jannyń tili, án-júrektiń muńy, til - rýhtyń úni», «Memlekettik til - memlekettik qyzmette», «Memlekettik til - barlyq halyqty biriktiretin til» syndy birqatar taqyryptarda aýdan, qalalarda 5 baıqaý, 8-den astam aktsııalar, joǵary oqý oryndary men barlyq memlekettik mekemelerde 20-dan astam dóńgelek ústelder men bir forým, 10-nan astam pikir almasý jıyndary men debattar, ádebı sazdy keshter jáne barlyq aýdan, qalalarda kitap kórmesi, sýretter men fotokollaj, t.b. sharalar uıymdastyrylady, dep habarlaıdy oblys ákimdiginiń baspasóz qyzmeti.
Aıta keteıik, oblystyq til aılyǵy 22 qyrkúıek kúni «Memlekettik til - máńgilik eldiń máńgilik tili» atty merekelik is-sharasymen qorytyndylanady. Sharada til janashyrlary Qazaqstan Respýblıkasy Mádenıet jáne sport mınıstrliginiń, oblys ákiminiń, «Nur Otan» partııasynyń jáne oblys máslıhatynyń arnaıy alǵys hattarymen marapattalatyn bolady.
Sonymen qatar, aýqymdy josparda «Memlekettik til - mereıim» atty memlekettik tildi bilý arqyly jetistikke jetken ózge ult ókilderimen kezdesýler ótkizý, Qazaqstan Respýblıkasy Táýelsizdiginiń 25 jyldyǵy men «Qazaqstan halqynyń tilderi kúni» merekesine oraı, «Meniń bir ǵana Otanym bar, ol - Táýelsiz Qazaqstan» atty memlekettik qyzmetke jańadan qabyldanǵan jas mamandar arasynda ant berý rásimin uıymdastyrý josparlanǵan.