OQO-da terrorızmdi nasıhattaǵany úshin qamalǵan ımamǵa qatysty sot bastaldy

ShYMKENT. QazAqparat  -   Ońtústik Qazaqstan oblysy Saıram aýdanynda aýyl ımamy meshitte terrorızmdi nasıhattaǵany úshin qamaýǵa alynǵan bolatyn. Endi 41 jastaǵy aýyl moldasyna qatysty sot otyrysy bastaldy, dep habarlaıdy  QazAqparat tilshisi.

Abdýrapı Rahmatýllaev Qarabulaq aýylyndaǵy ortalyq meshitte ımam bolǵan. 6 jyldan asa osy qyzmetti atqaryp júrip ol basqa dinge ótip ketken. Sóıtip, aıt namazy kúnderi jamaǵattqa «Sırııada soǵysyp júrgen sodyrlarǵa qol ushyn berý kerek» dep ýaǵyz aıtqan.  Osylaısha elimizde tyıym salynǵan dinı uıymǵa qoldaý bildirgen. Artynsha qyzmetinen bosatylyp, osy jyldyń qańtar aıynda qamaýǵa alynǵan bolatyn. Onyń ústinen qylmystyq is qozǵalyp, is Saıram aýdandyq sotyna ótken.

«Sottalýshy A.S. deıtin azamatqa baılanysty QR Qylmystyq kodeksiniń 174-baby 1-bóligimen qozǵalǵan is Saıram aýdandyq sotynyń óndirisine kelip túsken. Qazirgi tańda qylmystyq is qaralý barysynda. Ol boıynsha qabyldanǵan sheshimder qosymsha habarlanady», - deıdi atalǵan sottyń keńse meńgerýshisi Sabyr Meırambaev.

Aıta keteıik, jyl basynan beri Saıram aýdanynda lańkestik is áreketti nasıhattaǵany úshin 3 adam sotty bolǵan.