OQO-da tazalyq aıyndaǵy jumystarǵa 150 myńnan astam adam qatysty
Elbasynyń «Bolashaqqa baǵdar: rýhanı jańǵyrý» baǵdarlamasyn ispen qoldaǵan Ońtústik Qazaqstan oblysynyń ákimi Janseıit Túımebaev óńirde tazalyq aıyn jarııalaǵan bolatyn.
Osy aralyqta aımaqtaǵy barlyq aýdan, qalada senbilikter uıymdastyryldy. Kópqabatty turǵyn úılerdiń aýlalary men balalar oıyn alańshalary, saıabaqtar, aıaldamalar, sport alańshalary, kóshe boılary, ózen, kanal boılary men aıaqjoldar, kópirler jáne jeke úı aýmaqtary tazalandy.
Jalpy oblys kóleminde ótken senbilikterge 153 myńǵa jýyq adam qatysyp, 10 myń tonnadan astam qoqys shyǵaryldy. Bul jumystarǵa 892 tehnıka jumyldyryldy. Sonymen qatar, aılyq is-sharada 266 myń shaqyrym kóshe boılary men 1270 shaqyrym jaıaý júrginshiler joldary tazartyldy. 521 myń sharshy metrden astam jeke úı irgelik aýlalar men 265 myń sharshy metr bolatyn kópqabatty úıdiń qasbetteri jáne 169 myń shaqyrym ırrıgatsııa júıeleri men 314 sharshy metr ózender men kanaldardyń boılaryndap senbilik uıymdastyryldy. Tazalyq sharalary sondaı-aq, 1020 gektar saıabaqtar men demalys oryndarynda júrgizildi. 546 dana sport jáne balalar alańshalary retke keltirilip, 60 333 túp aǵash ákteldi. Tazalyq sharalarynda jastar men aýyl-aımaq turǵyndary óz belsendilikterin tanytty.