OQO-da Táýelsizdikke tartý retinde 110 nysan el ıgiligine berildi
Osylaısha, Táýelsizdik kúnine oraı Ońtústik Qazaqstan oblysynda kópqabatty 19 turǵyn úı paıdalanýǵa berilip, 1 myńnan astam adam baspanaly boldy. Sonymen birge osy kúnderi jalpy oblysta 15 balabaqsha men 3 mektep jáne 11 FAP, 9 mal dárigerlik beketi, 5 sport alańshasy el ıgiligine usynyldy. Mereke qarsańynda óńirde 9 alleıa men qaqpa, 7 eldi mekenge ınfraqurylym júrgizilip, birqatar eldi mekenderge abattandyrý jumystary atqaryldy. Munan bólek, 1 kópir, 10 oıyn alańshasy men 4 mádenıet úıi qaıta jańǵyrtyldy. Sondaı-aq, 700-ge jýyq turǵyny bar eldi mekenge aýyz sý qubyry qosylyp, úsh kəsiporyn jáne taǵy basqa da nysandar ashyldy.
Tarqatyp aıtsaq, Tóle bı aýdanynda halyq ıgiligine jańadan 5 qabatty 8 turǵyn úı paıdalanýǵa berildi. Kóp qabatty turǵyn úıdegi páter kiltin «Nurly jer» baǵdarlamasy boıynsha tólebılik 480 otbasy aldy. Al osy kúni Aqtas eldi mekeninde bir mezette 50 adamdy qabyldap, saýmalmen emdeýge qaýqarly óńirdegi biregeı jobalardyń biri bolyp tabylatyn «Aqken-Saýmal» emdik-saýyqtyrý ortalyǵy ashyldy.
Mereke qarsańynda ońtústikqazaqstandyqtar Shymkent qalasynda boı kótergen kópqabatty turǵyn úılerdiń birqataryna qonystanyp, 558 otbasy qonys toıyn toılady. Nursát shaǵynaýdanynda salynǵan kópqabatty 11 turǵyn úı «Nurly jer» turǵyn úı qurylysy baǵdarlamasynyń ekinshi baǵyty boıynsha iske asty. Budan bólek, osy kúni qaladaǵy ákimshilik-iskerlik ortalyǵynda zaman talabyna saı jabdyqtalǵan jańa 1200 oryndyq mektep paıdalanýǵa berilse, «Abaı» saıabaǵynda elimizde alǵash ret Medıtsına qyzmetkerleriniń alleıasy ashyldy. Munda qazaqtyń alǵashqy shıpageri, halqymyzǵa óshpes mura qaldyrǵan Óteıboıdaq Tileýqabylulynyń músini men Qazaqstan Respýblıkasy dárigerleriniń antynan úzindi jáne ózgeni qutqaramyn dep óz janyn pıda etken medıtsına qyzmetkerlerine arnalǵan taqtaısha ornatyldy. Sondaı-aq, Shymkentte ornalasqan №104 jalpy orta mektebi janynan 300 oryndyq qosymsha ǵımarat oqýshylarǵa esigin ashty.
Jańa nysandar - jaqsy nyshandar ekenin alǵa qoıǵan jergilikti bılik teriskeılik turǵyndarǵa egemendik kúnine tartý esebinde jańa 6 nysandy el ıgiligine usyndy. Sozaq aýdanynyń ortalyǵy Sholaqqorǵan aýylynda táýelsizdik saıabaǵy saltanatty túrde ashyldy. Munda táýelsizdikti aıshyqtaıtyn monýment pen 30 metrlik tuǵyrda kók baıraq ornatylǵan. Budan bólek, aýdanda memlekettik-jekeshelik áriptestik aıasynda eki birdeı balabaqsha jumysyn bastady. Olar, Sholaqqorǵan aýylyndaǵy 75 balaǵa shaqtalǵan «Asyl-Aı» bóbekjaı-balabaqshasy men Sozaq aýyldyq okrýgindegi qos qabatty 100 oryndyq «Aıdyn» balabaqshasy. Osy kúni, buqaralyq sportty damytý maqsatynda aýdandaǵy Sholaqqorǵan, Tasty, Qumkent aýyldarynda sport alańshalary turǵyndardyń qoldanysyna berildi. Jańadan ashylǵan sport nysandar ýran óndiretin «Inkaı» JShS-niń demeýshiligimen salynyp otyr.
Merekelik toı-dýman Otyrar aýdanyndaǵy 20 nysannyń ashylýymen erekshelendi. Munda Baltakól aýyldyq okrýgine bas qaqpa ornatylyp, atalǵan aýylda tary-talqan óńdeıtin 2 tseh óz jumysyn bastady. Sondaı-aq, aýdanda jańadan 9 birdeı mal dárigerlik beketi men 3 feldsherlik-akýsherlik tirek pen birqatar saýda ortalyqtary jáne 1 kópirdiń qurylysy aıaqtaldy.
Elimizdiń Táýelsizdigi kúni qarsańynda Saryaǵash aýdanynda áleýmettik jáne kommýnaldyq 11 nysan tapsyryldy. Onyń ishinde 6 ǵımarat memlekettik-jekeshelik áriptestik aıasynda boı kótergen balabaqsha bolsa, 150 balaǵa shaqtalǵan mektep pen otbasylyq dárigerlik ambýlatorııa, eki sport alańshasy ashylyp, bir eldi mekende abbattandyrý jumystary júrgizildi.
Uly kúndi ulyqtaý toıynda Túlkibas aýdanynda 13 jańa nysan xalyqtyń qýanyshyna aınaldy. Barsha qazaqstandyqtar sekildi 110 myń halqy bar Túlkibas jurty eń ulyq merekeni jańadan boı kótergen eki medıtsınalyq nysan men bir balabaqshanyń ashylýymen bastady. Sondaı-aq, aýdanda ardagerlerge arnalǵan alleıa men demalys orny jáne stela boı kóterdi. Osy kúni túlkibastyqtarǵa kúrdeli jóndeýden ótken 4 mádenıet úıi men eki aýylǵa qaıta jóndeýden ótken aýyz sý qubyry tapsyryldy. Sonymen qatar, Shaqpaq aýyl okrýginde oblystyń tarıhyn tanytatyn stela ashyldy. Bul qaqpa Jambyl oblysymen shekaralas aýmaqta ornalasyp otyr.
Aıtýly merekede, Túrkistan qalasynda 3 nysan iske qosyldy. Máselen, qaladaǵy ıdýstrıaldy aımaqta jylyna úsh myń dana jumsaq jıhaz shyǵaratyn «Cordial Turkestan» JShS-gi jumysyn bastasa, Otyrar móltekaýdanynda 90 balaǵa shaqtalǵan jekemenshik «Indıra» balabaqshasy esigin aıqara ashty. Sondaı-aq, kıeli qalada «Túrki baǵy» alleıasy ortalyqtyń ajaryn asha tústi.
Azat kúndi toılaý kezinde Arsy qalasynda 8 nysan paıdalanýǵa berildi. Onda eldi meken turǵyndaryna qyzmet kórsetý sapasyn arttyrý maqsatynda «Qazposhta» AQ bólimshesi, memlekettik-jekeshelik áriptestik aıasynda salynǵan 75 balaǵa shaqtalǵan «Ulbala», 100 búldirshinge laıyqtalǵan «Baǵlan» jáne 360 oryndyq «Lıder» balabaqshalary ashylsa, «Otyrar», «Naýryz», «Ońtústik» turǵyn aýdandarynda 28,10 shaqyrym jol men 74,4 shaqyrym bolatyn sý júıeleriniń qurylysy júrgizildi. Osylaısha, atalǵan shaǵyn aýdannyń turǵyndary ınfraqurylymmen qamtamasyz etildi.
Maqtaral aýdanynda da el merekesi aıqyn sezildi. Mereke kúnderi aýdanda jańadan salynǵan 8 nysan el ıgiligine berildi. Máselen, tórt eldi mekende feldsherlik akýsherlik beket pen eki aýylda dárigerlik ambýlatorııa ashylsa, Maqtaly jáne Qaraqaı aýyldyq okrýgteriniń ákimi apparatynyń jańa ǵımaratynyń lentalary qıyldy.
Al Kentaý qalasynda Táýelsizdik kúnine oraı 14 nysannyń ashylý saltanaty ótti. Onyń biri S.Qojanov atyndaǵy ortalyq saıabaq bolsa, keıingileri «Bolashaq», «Batys» jáne Juldyz» móltekaýdandarynyń ınjenerlik ınfraqurylym júıeleriniń qurylysy aıaqtaldy. Budan bólek, Kentaý qalasynda kópqabatty turǵyn úıdiń aýlalarynda ornalasqan balalar men jasóspirimderge arnalǵan 10 oıyn alańshasy jóndeýden ótti.
Táýelsizdik merekesi qarsańynda shaǵalaly Shardarada 900 oryndyq mektep ashylsa, Ordabasy aýdanynda eki jekemenshik balabaqsha balǵyndardy qýantty. Elimizdiń egemendigi kúni Báıdibek aýdanyndaǵy Jaryqbas eldi mekenindegi 700-ge jýyq turǵyn taza sýmen qamtamasyz etildi. Bul aýdan turǵyndary úshin kópten kútken ıgilikti is boldy.