OQO-da Táýelsizdik merekesin atap ótýge aýdan ortalyqtary da at salysýda

ShYMKENT. QazAqparat - Ońtústik Qazaqstan oblysynyń Saryaǵash aýdanynda el Táýelsizdiginiń 25 jyldyǵyn atap ótý jalǵasýda, dep habarlaıdy aýdan ákimdiginiń baspasóz qyzmeti. Ǵasyrǵa bergisiz 25 jyl ishinde tolaǵaı tabystarǵa qol jetkizgen Qazaqstan Táýelsizdik saltanatyn keń kólemde atap ótýde. Toı qamyna jyl basynan kirisken saryaǵashtyqtar eldiń ıgiligine qyzmet etetin sharalardy qolǵa alyp, jurtshylyq nazaryna usyndy.

El táýelsizdiginiń torqaly toıy Qaplanbek aýyl okrýgine qarasty Sirgeli eldimekeninde bolyp ótti. Jınalǵan qaýym kórkemónerpazdar ujymy uıymdastyrǵan merekelik kontsertti tamashalady. Saltanatty jıynda sóz alǵan el aǵalary buqarany táýelsizdik kúnimen quttyqtap, izgi tilegin bildirdi. Bul kúni qoǵam damýyna súbeli úles qosqan belsendilerdiń mereıi ústem boldy. Olar oblystyq máslıhat jáne aýdan ákiminiń alǵys hattaryna ıe boldy. San ǵasyrlyq babalar armanynyń oryndalǵanyna - 25 jyl. Osy kezeńde qazaq tarıhynda buryn-sońdy bolmaǵan tabysqa jettik. Bul elimizdegi tatýlyq pen birliktiń arqasy.
Sonymen qatar, Saryaǵash aýdany, Birtilek aýyldyq okrýgi əkimshiliginiń ǵımaratynda Qazaqstan Respýblıkasy Táýelsizidiginiń 25 jyldyǵyna arnalǵan oraı "Táýelsizdik tiregim - Otan dep soqsyn júregim" taqyrybynda aýyl jastary jáne mektep oqýshylarynyń qatysýymen dóńgelek ústel bolyp ótti.
Dóńgelek ústel basynda Birtilek aýyl ákim apparatynyń qyzmetkerleri jastardy El Táýelsizdiginiń 25 jyldyǵymen quttyqtap, tilekterin aıtty.
Elimizdiń Táýelsizdigi úshin kúresken,boıynda ulttyq rýhy bar, Otanǵa degen patrıottyq sezim qalyptasqan azamattardyń ómirin bolashaq urpaqqa úlgi-ónege etý maqsatynda beınerolık kórsetilip, jastardyń Táýelsizdigimiz jyldaryndaǵy jetistikterimiz týraly pikirleri tyńdaldy.